Danyel 11:40 - Labib An Kreol Seselwa

⁴⁰ Kan letan lafen pou arive, lerwa Sid pou atak li. Me, lerwa Nor pou atak li avek kales lager, bann kavalye e avek bokou bato. I pou penetre dan bokou pei e travers zot frontyer parey en lavalas.

Danyel 11:40 ပူးပေါင်းရင်းမြစ်များ

Ezai 21:1

En mesaz lo en Dezer Maritim! I pe vini parey en divan vyolan ki travers dezer Negev. I sorti dan dezer dan en pei terib.

Ezai 5:28

Zot bann dart i byen pwent, zot in byen ris zot fles. Sabo zot bann seval i dir koman ros e larou zot bann kales i vire parey tourbiyon.

Ezai 66:15

Annefe, dan dife ki SENYER pe vini; son bann kales i parey en siklonn; pour satisfer son gran lakoler, i pini zot dan laflanm dife.

Zeremi 4:13

Gete! Lennmi pe vini parey en nyaz. Son bann kales lager i roul parey en tourbiyon. Son bann seval i pli vit ki bann leg. Maler i lo nou! I'n fini pour nou!

Ezekyel 38:4

Mon pou met en lanmson dan ou lanmaswar e trenn ou pardfors. Mon pou fors ou sorti avek ou larme: Seval ek son kavalye abiye dan liniform. Zot ava form en gran latroup gerye, zot tou arme avek zot boukliye ek lepe.

Ezekyel 38:9

Ou, avek tou ou bann alye ki avek ou, monte e atak zot. Ou ava desann lo zot koman en tanpet. Parey en gro nyaz, ou ava kouver pei avek ou bann troup.

Danyel 11:10

Son bann garson pou sorti pour konba e rasanble en gran larme. Enn parmi zot, pou atake; parey an gro delo, pou balye e anmenn tou dan son semen. I pou retournen e kontinyen atake ziska son fortres.

Danyel 11:11

Lerwa Sid avek en gran lakoler, pou sorti kont lerwa Nor, ki pou rasanble en gran larme, me i pou ganny detri.

Danyel 11:13

Lerwa Nor pou retournen avek en pli gran larme ki sa enn avan. Apre en pe letan, detrwa lannen, i pou mont ankor en latak avek en gran larme e avek bokou lekipman lager.

Danyel 11:22

Tou troup larme pou ganny detri devan li; sef lalyans osi.

Danyel 11:25

I pou servi son lafors ek son determinasyon, e avek led en gran larme, pour atak lerwa Sid. Lerwa Sid pou sorti pour lager avek en gran larme e tre for, me i pa pou kapab tenir, akoz bann konplo kont li.

Danyel 11:35

Parmi bann ki annan disernman, i annan ki pou tonbe, pour ki zot ganny netwaye, pirifye e lave ziska letan lafen, akoz sa pou ariv dan en letan ki'n ganny fikse.

Danyel 11:39

I pou atak bann landrwa fortifye avek led en bondye etranze. Sa enn ki aksepte li, i pou donn zot plas sef lo bokou dimoun. I pou rekonpans zot avek bann porsyon later.

Danyel 11:7

Enn parmi son desandans pou pran son plas. I pou monte avek en larme e penetre defans lerwa Nor. I pou atake e ganny laviktwar.

Danyel 12:4

Me ou, Danyel, gard sekre sa bann parol e kaste sa liv ziska letan lafen. Dan sa lepok, bokou pou esey konpran e zot konnesans pou ogmante.

Danyel 12:9

I ti dir mwan, “Kontinyen, Danyel, akoz sa bann parol pou reste sekre, kaste, ziska letan lafen.

Danyel 8:17

Alor, Gabriyel ti vin pre kot mon ti ete. Kan i ti arive, mon ti ganny en lafreyer, e mon ti tonm lafas ater. I ti dir mwan, “Ekoute, imen! Konpran ki sa vizyon i konsern letan lafen.”

Habakouk 3:14

Ou pers latet bann sef son bann gerye avek zot prop dart. Zot arive parey siklonn, pour sas nou dan tou kote. Zot kriye avek lazwa, konmsi pour devor en pov ki ti'n kasyet dan son trou.

Zakari 9:14

Apre sa, SENYER pou aparet par lao zot e son fles pou sorti parey zekler. Senyer BONDYE pou soufle tronpet. I pou avanse dan tanpet sorti dan Sid.

Revelasyon 16:12

Sizyenm lanz ti devers son lakoup lo sa gran larivyer Efrat. Son delo ti sek pour prepar en semen pour bann lerwa ki sorti dan Les.

Revelasyon 9:16

Mon ti antann dir ki ti annan 200 milyon konbatan.