Danyel 11:37 - Labib An Kreol Seselwa

³⁷ I pou napa respe ni pour bann bondye son bann zanset, ni bondye prefere bann fanm. Sa lerwa pa pou montre okenn respe pour bondye, akoz i pou plas li par lao zot tou.

Danyel 11:37 ပူးပေါင်းရင်းမြစ်များ

Zenez 3:16

Apre, SENYER Bondye ti dir avek sa fanm, “Mon pou ogmant ou douler lakousman. Ou pou soufer bokou pour ganny zanfan. Ou pou ganny atire ver ou mari, me i pou domin lo ou.”

Zenez 3:5

Bondye i konnen ki letan zot pou manz sa fri, zot lizye pou ouver, zot pou vin parey Bondye, e zot pou konn lebyen ek lemal.”

Kantik Salomon 7:10

Mon pour mon byenneme, e in fikse son dezir lo mwan.

Ezai 14:13

Ou ti dir dan ou leker: Mon pou mont dan lesyel; Mon pou met mon tronn par lao bann zetwal Bondye. Mon pou enstal mwan lo montanny lasanble Bondye.

Ezai 14:14

Mon pou mont lo latet nyaz; mon pou vin parey Bondye Treo.

Ezekyel 24:16

Ou ki en imen, ekoute! Mon pou pran avek en sel kou, sa enn ki donn ou lazwa. Me ou, fodre pa ki ou fer lanterman, ni plere, ni vers larm pour li.

Ezekyel 28:2

Ou ki en imen, dir lerwa Tir: La sa ki Senyer BONDYE i deklare: Akoz lorgey in ranpli ou leker e ou'n dir: Mon en bondye; mon pe asiz lo son tronn lo milye lanmer. Me, ou pa bondye, ou zis en et imen. Ou konsider ou egal avek en bondye.

Danyel 11:36

Sa lerwa pou fer sa ki i anvi. I pou ranpli avek lorgey e i pou plas li par lao tou bondye. I pou koz parol blasfenm kont Bondye ki par lao tou bondye. I pou reisi ziska ki lakoler Bondye i aparet. Bondye pou realiz sa ki i'n deside.

Danyel 11:38

I pou onor sa bondye ki defann bann lavil fortifye; en bondye ki son bann zanset pa'n konnen. I pou onor li avek lor, larzan, bann pyer presyez ek bann lobze valer.

Danyel 8:11

I ti al atak sef larme lesyel; i ti fer arete sakrifis tou le zour e rann enpir son sanktyer.

Deterononm 21:11

i posib ki ou war parmi sa bann prizonnyen en zoli fanm avek ki ou tonm anmoure e ki ou anvi marye avek li.

Deterononm 5:21

Ou pa pou anvi fanm ou prosen, ni anvi lakaz ou prosen, ni son later, ni son lesklav, ni son bef, ni son bourik, ni okenn lobze ki pour ou prosen.

2 Tesalonisyen 2:4

Li menm sa lennmi ki pou kont tou sa ki zonm i adore, e ki'n ganny konsakre pour Bondye. I pou menm enstal li dan Tanp Bondye e fer li pas pour Bondye.

1 Timote 4:3

Sa bann dimoun pe ansennyen ki fodre pa marye, ni manz serten nouritir. Pourtan Bondye ki'n kree sa bann nouritir. Alor, bann krwayan ki konn laverite, zot kapab manze e dir mersi.