Danyel 11:36 - Labib An Kreol Seselwa

³⁶ Sa lerwa pou fer sa ki i anvi. I pou ranpli avek lorgey e i pou plas li par lao tou bondye. I pou koz parol blasfenm kont Bondye ki par lao tou bondye. I pou reisi ziska ki lakoler Bondye i aparet. Bondye pou realiz sa ki i'n deside.

Danyel 11:36 ပူးပေါင်းရင်းမြစ်များ

Psonm 136:2

Loue Bondye ki pli gran ki tou bondye! Son fidelite i dire pour touzour.

Psonm 33:10

SENYER i kas plan bann nasyon; i anpes zot realiz zot bann proze.

Proverb 19:21

Zonm i fer bokou proze; me zis lavolonte SENYER ki ganny realize.

Ezai 10:23

Senyer BONDYE liniver pou egzekit destriksyon lo pei antye.

Ezai 10:25

Akoz dan en pti pe letan, mon pou aret ankoler kont ou e mon pou detri zot.

Ezai 10:5

Maler lo Asiri! I en roten mon lakoler. Sa baton dan zot lanmen ki montre mon lakoler.

Ezai 14:13

Ou ti dir dan ou leker: Mon pou mont dan lesyel; Mon pou met mon tronn par lao bann zetwal Bondye. Mon pou enstal mwan lo montanny lasanble Bondye.

Ezai 14:14

Mon pou mont lo latet nyaz; mon pou vin parey Bondye Treo.

Ezai 26:20

Ale mon pep! Antre dan ou lakaz e ferm laport deryer ou; al kasyet pour en pti moman. Les lakoler SENYER pase.

Ezai 30:33

Sa dife in ganny prepare depi lontan; in ganny prepare pour lerwa. Dan en trou larz e profon, zot in met bokou dibwa an ron. Lalenn SENYER pou alim sa dife, konmsi souf ki pe brile.

Ezai 46:10

Depi konmansman, mon'n anons lavenir e depi lontan davans, sa ki pa ankor arive. Mon'n dir davans: Mon pou realiz mon plan e mon pou rakont li tou sa ki fer mwan plezir.

Ezai 57:9

Zot in prezant zot devan bondye Molek avek delwil e en kantite parfen. Zot in anvoy zot bann mesaze tre lwen e menm anvoy zot ziska dan lemonn lanmor.

Ezekyel 28:2

Ou ki en imen, dir lerwa Tir: La sa ki Senyer BONDYE i deklare: Akoz lorgey in ranpli ou leker e ou'n dir: Mon en bondye; mon pe asiz lo son tronn lo milye lanmer. Me, ou pa bondye, ou zis en et imen. Ou konsider ou egal avek en bondye.

Ezekyel 35:13

Ou ti dir bann parol arogan kont mwan; mwan menm mon'n tande.

Danyel 11:16

Sa enn ki pou vin kont li pou fer sa ki fer li plezir; personn pa pou kapab opoz li. I pou enstal li dan sa pli zoli pei e i pou masakre tou sa ki dan son semen.

Danyel 11:3

Me en gerye pou vin lerwa. I pou gouvern avek gran lotorite e fer sa ki fer li plezir.

Danyel 11:37

I pou napa respe ni pour bann bondye son bann zanset, ni bondye prefere bann fanm. Sa lerwa pa pou montre okenn respe pour bondye, akoz i pou plas li par lao zot tou.

Danyel 12:7

Sa zonm abiye dan lenz linenn, ki ti par lao larivyer, ti lev son de lanmen ver lesyel. Mon ti antann li fer en serman par sa Enn ki vivan pour touzour. I ti dir, “Pour en lannen, de lannen e lanmwatye lannen. Kan lafors sa pep sen ava'n konpletman fini, tou sa bann keksoz pou ganny akonpli.”

Danyel 2:47

Lerwa ti dir Danyel, “Vreman, ou Bondye i Bondye tou bann bondye, e SENYER tou bann lerwa, sa enn ki revel bann mister, akoz ou'n kapab revel sa mister avek mwan!”

Danyel 4:35

Tou zabitan later pa vo nanryen devan li. I tret mannyer i anvi bann zabitan lesyel ek later. Personn pa opoz son pwisans; personn pa demann li: Ki ou pe fer.

Danyel 5:19

Akoz sa grander ki Bondye ti'n donn li, tou pep, nasyon tou pei, ki koz diferan langaz, ti tranble devan li. I ti touy sa ki i ti anvi, e les viv sa ki i ti anvi. I ti donn loner sa ki i ti anvi e abes bann ki i ti anvi abese.

Danyel 5:20

Me letan son leker ti ranpli avek lorgey e dan son lespri ti annan larogans, i ti ganny tire lo son tronn e ganny arase son loner.

Danyel 7:8

Pandan ki mon ti pe egzamin sa bann korn, en pti korn ti pouse parmi lezot pour fer plas pour sa pti korn, trwa parmi lezot korn ti ganny arase. Lo sa korn ti annan lizye, parey lizye imen e en labous ki ti koz avek larogans.

Danyel 8:19

Apre, i ti dir mwan: Ekoute, mon ava fer ou konnen sa ki pou arive kan lakoler Bondye pou fini, letan ki i'n fikse pour lafen.

Danyel 8:4

Mon ti war sa mouton mal donn koud korn dan direksyon Was, Nor e Sid. Okenn zannimo pa ti kapab reziste son lafors, e personn pa ti kapab ganny delivre anba son pouvwar. I ti fer sa ki i ti oule e i ti vin pli pwisan.

Zakari 11:16

Annefe, mon pe al swazir dan pei, en berze ki pa pran swen bann mouton ki pe mor, oubyen al rod sa enn ki'n perdi. I pa pou pran swen sa enn ki'n ganny blese, oubyen angres sa enn ki an bonn sante. Me, i pou devor sa bann ki byen gra e i pou fann zot sabo.

Levanzil dapre Zan 5:30

“Mon pa kapab fer nanryen par mwan menm. Mon ziz dapre sa ki Bondye i dir mwan. Alor, mon zizman i zis, akoz mon pa pe esey fer mon prop volonte, me volonte sa enn ki'n anvoy mwan.

Levanzil dapre Zan 6:38

Mon'n sorti dan lesyel pour vin fer non pa mon prop volonte, me volonte sa enn ki'n anvoy mwan.

Akt de Zapot 4:28

Konmsa, zot in akonpli tou sa ki ou ti oule e deside davans.

Deterononm 10:17

SENYER, zot Bondye i Bondye tou lezot bondye e SENYER tou senyer. I sa pli gran Bondye pwisan e terib ki pa fer preferans e i pa aksepte gous.

2 Tesalonisyen 2:3

Pa les personn tronp zot dan okenn fason. Sa zour pa pou arive avan ki sa gran revolt kont Bondye i arive e sa gran rebel i ganny revele. Avan ki sa lennmi ki'n ganny destinen pour destriksyon, i aparet.

2 Tesalonisyen 2:4

Li menm sa lennmi ki pou kont tou sa ki zonm i adore, e ki'n ganny konsakre pour Bondye. I pou menm enstal li dan Tanp Bondye e fer li pas pour Bondye.

2 Tesalonisyen 2:8

Alor, sa pwisans move pou aparet. Senyer Zezi pou touy li par souf sorti dan son labous. I pou detri li par manifestasyon son retour.

Zozye 22:22

“SENYER Bondye i pli gran ki tou bann bondye! Wi! SENYER Bondye i pli gran ki tou bann bondye! SENYER Bondye i konnen, e Izrael osi pou konnen. Si nou'n azir par rebelyon, oubyen pour komet en fot grave kont SENYER, pa les nou viv, ozordi!

Revelasyon 10:7

Me dan sa bann zour kan tronpet sa setyenm lanz pour ganny soufle, plan sekre Bondye pou ganny akonpli parey son bann serviter bann profet in anonse.

Revelasyon 12:14

Me sa fanm ti ganny sa de lezel en gran leg. I ti anvole ziska dan sa landrwa rezerve pour li dan dezer. La, i ti ganny nouri pandan 3 an edmi, lwen avek latak sa serpan.

Revelasyon 13:1

Apre sa, mon ti war en bebet ki ti monte sorti dan lanmer. I ti annan dis korn ek set latet. Lo sak korn, ti annan en kouronn e lo sa bann latet, ti annan bann non blasfenm kont Bondye.

Revelasyon 17:17

Annefe, Bondye in plas dan zot leker son lavolonte pour akonpli son plan. Zot pou pas zot pouvwar avek sa bebet ziska ki Parol Bondye i ganny akonpli.

Revelasyon 17:3

Alor, mon ti ganny transporte par Lespri dan en landrwa dezer. Mon ti war en fanm pe asize lo en bebet kouler rouz, kouver avek bann non blasfenm. Sa bebet ti annan set latet ek dis korn.