Danyel 11:3 - Labib An Kreol Seselwa

³ Me en gerye pou vin lerwa. I pou gouvern avek gran lotorite e fer sa ki fer li plezir.

Danyel 11:3 ပူးပေါင်းရင်းမြစ်များ

Danyel 11:16

Sa enn ki pou vin kont li pou fer sa ki fer li plezir; personn pa pou kapab opoz li. I pou enstal li dan sa pli zoli pei e i pou masakre tou sa ki dan son semen.

Danyel 11:36

Sa lerwa pou fer sa ki i anvi. I pou ranpli avek lorgey e i pou plas li par lao tou bondye. I pou koz parol blasfenm kont Bondye ki par lao tou bondye. I pou reisi ziska ki lakoler Bondye i aparet. Bondye pou realiz sa ki i'n deside.

Danyel 4:35

Tou zabitan later pa vo nanryen devan li. I tret mannyer i anvi bann zabitan lesyel ek later. Personn pa opoz son pwisans; personn pa demann li: Ki ou pe fer.

Danyel 5:19

Akoz sa grander ki Bondye ti'n donn li, tou pep, nasyon tou pei, ki koz diferan langaz, ti tranble devan li. I ti touy sa ki i ti anvi, e les viv sa ki i ti anvi. I ti donn loner sa ki i ti anvi e abes bann ki i ti anvi abese.

Danyel 7:6

Apre sa, mon ti war en trwazyenm bebet. I ti parey en leopar ki ti annan kat lezel zwazo lo son ledo, ek kat latet. I ti resevwar pouvwar pour domin lemonn.

Danyel 8:21

Sa bouk i lerwa Lagres. Sa gran korn ant son lizye i son premye lerwa.

Efezyen 1:11

Dan nou linyon avek Kris, nou'n resevwar par ki nou ti'n ganny promet. Annefe, dapre son plan, Bondye ti'n swazir nou davans, e Bondye i realiz tou, dapre sa ki i'n oule e ki i'n deside.

Ebre 2:4

Anmenmtan, Bondye in konfirm sa temwannyaz par bann siny, bann levennman ekstraordiner ek toudsort mirak. I'n osi distribye bann don Lespri Sen dapre son lavolonte.

Let Zak 1:18

Par son prop volonte, i'n donn nou lavi par sa Parol ki laverite. Konmsa, nou ava vin koman bann premye fri son bann kreatir.