Danyel 11:21 - Labib An Kreol Seselwa

²¹ I pou ganny ranplase par en move zonm, san okenn pouvwar rwayal; i pou ariv trankilman, e i pou akapar rwayonm par bann mwayen malonnet.

Danyel 11:21 ပူးပေါင်းရင်းမြစ်များ

Psonm 12:8

Zot pe rodaye partou e koripsyon pe repann partou dan lemonn.

Psonm 15:4

me i rezet bann malfeter, e i onor sa enn ki annan respe pour SENYER. I gard son promes, i annan en sel parol.

Psonm 55:21

Son parol i pli dou ki dimyel; me i annan lager dan son leker. Son bann parol ti glise, parey delwil; me an realite, zot ti koman en pwannyar.

Ezai 32:5

Pou nepli apel en dimoun fou, nob, ni dir en fourb, onorab.

Danyel 11:20

Sa enn ki pou ranplas li, pou anvoy en diktater dan pli zoli pei dan rwayonm; me dan detrwa zour, i pou ganny detri, me pa par lakoler, ni par lager.

Danyel 11:32

Par bann parol mansonz, i pou fer abandonn lalyans, me bann ki lwayal anver Bondye pou kontinyen azir avek kouraz.

Danyel 11:34

Pandan sa letan lasoufrans, zot pou ganny en pe led, me bokou pou zwenn avek zot par fourbri.

Danyel 11:7

Enn parmi son desandans pou pran son plas. I pou monte avek en larme e penetre defans lerwa Nor. I pou atake e ganny laviktwar.

Danyel 4:17

Sa i desizyon bann lanz, rezolisyon bann sen, pour ki tou bann et vivan i konnen ki Bondye Toupwisan i met tou bann rwayonm imen. I donn larwayote avek sa ki i anvi, e i elev an dernyen parmi bann imen.

Danyel 7:8

Pandan ki mon ti pe egzamin sa bann korn, en pti korn ti pouse parmi lezot pour fer plas pour sa pti korn, trwa parmi lezot korn ti ganny arase. Lo sa korn ti annan lizye, parey lizye imen e en labous ki ti koz avek larogans.

Danyel 8:23

Alafen zot renny, kan pese ava'n tous son pli o nivo, en lerwa arogan e rize pou leve.

Danyel 8:25

Par riz, i pou reisi tronp bokou. Leker ranpli avek larogans, i pou touy bokou dimoun ki ti krwar zot an sekirite. I pou dres li kont lerwa tou bann lerwa. Me i pou ganny detri, san okenn lentervansyon imen.

Danyel 8:9

Dan enn son korn, en lot pti korn ti pouse. I ti grandi ver Sid, ver Les e ver sa pli zoli pei.

Nahoum 1:14

La sa ki SENYER in ordonnen kont zabitan Niniv: Ou pou nepli annan okenn desandans ki pou port ou non. Mon pou detri sa bann stati an bwa e an fer ki dan ou tanp. Mon pou prepar ou latonm, akoz ou nepli vo nanryen.

1 Samyel 3:13

Mon'n deza averti li ki mon pou pini son fanmir pour touzour, pour bann krim ki i konnen. Son bann garson in ensilte Bondye; li i ti konnen, me i'n soutir zot.