Danyel 11:15 - Labib An Kreol Seselwa

¹⁵ Lerwa Nor pou vini e enstal miray latak kont en lavil fortifye ki i pou pran. Lafors larme lerwa Sid avek son larme elit, pa pou kapab reziste, akoz zot pa pou ase for pour tenir kont latak.

Danyel 11:15 ပူးပေါင်းရင်းမြစ်များ

Zeremi 33:4

Annefe, la sa ki SENYER, Bondye Izrael i deklare lo bann lakaz dan Zerizalenm ek bann pale bann lerwa Zida: Zot in ganny detri. Pa servi nanryen konbat kont bann miray ranfor e lite kont bann Babilonyen.

Zeremi 5:10

Mont lo bann miray, detri plantasyon rezen, me pa konpletman. Koup son bann brans akoz zot pa pour SENYER.

Zeremi 52:4

Dan nevyenm lannen son renny, dizyenm mwan, dizyenm zour, Naboukodonozor, lerwa Babilonn, ti atak Zerizalenm avek tou son bann gerye. I ti anserkle li. Zot ti konstri bann lenstalasyon latak toultour lavil.

Zeremi 6:6

La sa ki SENYER liniver i deklare: Koup pye dibwa pour fer en baraz kont Zerizalenm. Sa lavil i bezwen ganny pini, akoz i ranpli avek vyolans.

Ezekyel 17:17

Menm avek en gran larme for, Faraon, lerwa Lezip pa pou kapab ede pour defann li dan lager kont Babilonn, kan zot fouy transe e mont miray latak pour detri en kantite lavi.

Ezekyel 4:2

Montre ki i'n ganny anserkle par lennmi. Plas fose ek miray latak kont li. Enstal bann kan ek masin lager kont li toultour lavil.

Danyel 11:14

Dan sa lepok, bokou dimoun pou revolte kont lerwa Sid. Bann zonm vyolan parmi ou pep pou revolte pour esey realiz sa vizyon, me zot pa pou reisi.

Danyel 11:6

Apre detrwa lannen, zot pou etabli en lalyans: Fiy lerwa Sid pou marye avek lerwa Nor, pour etabli sa lakor. Me i pa pou gard son pouvwar e son mari pa pou viv, ni son garson. I pou ganny touye avek son papa ek son mari, ansanm avek son lantouraz.

Danyel 8:7

Mon ti war li atak sa mouton mal. I ti ankoler kont li e i ti tap sa mouton mal avek vyolans e kas son de korn, san ki sa mouton ti annan lafors pour reziste. I ti zet li ater e pil lo li. Personn pa ti kapab sov sa mouton mal, anba pouvwar sa bouk.

Zozye 1:5

Personn pa pou tenir devan ou, tou dilon ou lavi. Mon pou avek ou, parey mon ti avek Moiz. Mon pou touzour avek ou. Mon pa pou abandonn ou.