Danyel 10:13 - Labib An Kreol Seselwa

¹³ Sef rwayonm Lapers ti opoz mwan pandan 21 zour. Apre, Mikael, en sef parmi bann sef, ti vin sekour mwan. Alor, mon ti'n reste laba kot bann lerwa Lapers.

Danyel 10:13 ပူးပေါင်းရင်းမြစ်များ

Esdras 4:24

Alor, travay rekonstriksyon tanp dan Zerizalenm ti arete. Sa ti dire ziska dezyenm lannen renny Dariis, lerwa Lapers.

Danyel 12:1

Dan sa letan, sa gran sef, Mikael, sa enn ki defann ou pep, pou leve. Sa letan pou en letan langwas, ki pa'n zanmen arive depi ki bann nasyon i egziste. Dan sa letan, ou pep pou ganny eparnyen; sa enn ki son non in ganny ekri dan liv, pou ganny eparnyen.

Efezyen 6:12

Annefe, nou pa pe lit kont dimoun, me kont pouvwar bann move lespri dan lemonn, bann lotorite, ek pouvwar dan lemonn teneb dan sa letan ki nou pe viv ladan.

Kolosyen 2:10

Zot osi, zot in resevwar lavi konplet dan Kris ki domin tou bann lotorite e tou bann pouvwar spirityel.

1 Tesalonisyen 2:18

Nou ti deside retourn kot zot. Mwan Pol, plizyer fwa, mon'n esey fer li. Me Satan in anpes nou.

1 Pyer 3:22

ki'n mont dan lesyel. I'n asiz dan kote drwat Bondye, kot bann lanz ek tou lotorite ek pwisans dan lesyel in ganny soumet avek li.

Let Zid 1:9

Menm larkanz Mikael dan son diskisyon avek dyab konsernan lekor Moiz, pa ti oze kondann li. I ti zis dir: Senyer pou pini ou.

Revelasyon 12:7

Alor, ti annan lager dan lesyel: Mikael avek son bann lanz ti lager kont dragon. Dragon avek son bann lanz ti osi lager kont li.