Danyel 10:12 - Labib An Kreol Seselwa

¹² I ti dir mwan: Pa per, Danyel; depi premye zour ki ou ti deside pour konpran e imilye ou devan ou Bondye, ou lapriyer i'n ganny ekoute. Pour sa rezon, mon'n vini.

Danyel 10:12 ပူးပေါင်းရင်းမြစ်များ

Psonm 69:10

Ler mon ti plere e zennen, mon ti ganny ensilte.

Ezai 35:4

Al dir sa bann ki leker i ranpli avek lafreyer: Reste for! Pa bezwen per! La ou Bondye! I pe vin vanz pour ou, pour rann ou bann lennmi tou dimal ki zot in fer ou. I pou vin sov ou.

Ezai 41:10

Pa bezwen per, akoz mon avek ou. Pa bezwen enkyet, akoz mwan menm ou Bondye. Mon pou rann ou for, mon pou ed ou, mon pou soutenir ou avek mon lanmen ki donn laviktwar.

Ezai 41:14

La sa ki SENYER i deklare: Zakob! Ou zis en lever. Me pa bezwen per, akoz mon pou vin sekour ou. Ou Sover, se li menm Bondye Sen dan Izrael!

Ezai 58:9

Alor, ou ava apel osekour. Mwan SENYER, mon pou reponn ou. Ou pou kriy osekour e mon pou dir ou: La mon la. Si ou tir sa bann fardo ki parmi lepep, si ou aret akize e dir dimal,

Ezai 65:24

Avan ki zot apel mwan, mon pou reponn; parol pou ankor dan zot labous, mon pou'n fini tande.

Danyel 10:11

I ti dir mwan, “Danyel, ou ki Bondye i kontan, ekout byen sa bann parol ki mon pe al dir ou. Debout, akoz mon'n ganny anvoye kot ou.” Ler i ti dir mwan sa bann parol, mon ti leve an tranblan.

Danyel 10:19

I ti dir mwan, “Pa per, ou ki Bondye i kontan, reste trankil! Reste for! Pran kouraz!” Letan i ti pe koz avek mwan, mon ti reganny lafors e mon ti dir, “Koze, mon senyer, ou'n redonn mwan lafors.”

Levitik 16:29

Sa i en regleman pour zot pour touzour: Dizyenm zour, dan setyenm mwan, pep Izrael antye, ensi ki tou etranze ki reste parmi zot, ava zennen e aret tou travay.

Levitik 16:31

Sa zour ava pour zot en saba, en zour repo pour zennen. Sa i en regleman valab pour touzour.

Nonm 29:7

Dizyenm zour, setyenm mwan, zot ava fer en rasanbleman sakre. Zot pa devre manz nanryen, ni travay sa zour.

Matye 28:10

Alor Zezi ti dir zot, “Pa per! Al dir mon bann frer vin Galile kot zot ava war mwan.”

Matye 28:5

Sa lanz ti dir avek sa de fanm, “Pa per! Mon konnen ki zot pe rod Zezi ki'n ganny krisifye.

Mark 16:6

Me i ti dir zot, “Pa bezwen per, mon konnen ki zot pe rod Zezi ki sorti Nazaret, ki'n ganny krisifye. I pa isi, i'n resisite. Gete, la landrwa kot zot ti'n met li.

Levanzil dapre Lik 1:13

Me lanz ti dir li, “Pa per Zakari, Bondye in egzos ou lapriyer. Ou fanm, Elizabet, pou ganny en garson, e ou ava apel li Zan.

Levanzil dapre Lik 1:30

Lanz ti dir li, “Pa per Mari! Bondye in montre ou son lanmour dan en fason spesyal.

Levanzil dapre Lik 2:10

Me lanz ti dir zot, “Pa per! Mon annan en bon nouvel pour zot, ki pou donn lepep antye en gran lazwa:

Levanzil dapre Lik 24:38

Zezi ti dir zot, “Akoz zot trakase? Akoz tou sa bann dout dan zot leker?

Akt de Zapot 27:24

I ti dir mwan: Pol, pa per! Fodre ki ou konparet devan Sezar. Bondye dan son labonte, pou donn ou lavi avek tou sa ki pe navig avek ou.

Revelasyon 1:17

Kan mon ti war li, mon ti tonm dan son lipye koman en dimoun mor. I ti poz son lanmen drwat lo mwan. I ti dir: Pa per! Mwan menm Alfa e Omega; Premye e Dernyen;