Danyel 1:4 - Labib An Kreol Seselwa

⁴ Sa bann zennzan ti devre san defo fizik, zoli, doue avek lasazes, konnesans ek disernman. Konmsa zot ava kapab antre dan servis lerwa, ganny ansennyen bann literatir ek langaz Babilonyen.

Danyel 1:4 ပူးပေါင်းရင်းမြစ်များ

Zenez 41:46

Zozef ti annan 30 an kan i ti antre dan servis Faraon, lerwa Lezip. I ti enspekte Lezip antye.

2 Samyel 14:25

Parmi pep Izrael antye ti napa en pli zoli zonm ki Absalon, ti napa personn ki dimoun ti admir plis. Zot pa ti trouv en sel defo depi son lipye ziska son latet.

Proverb 22:29

Si en zonm i fer byen son travay, ava kapab servi bann lerwa; i pa pou travay pour dimoun ordiner.

Eklezyas 7:19

Lasazes i rann en saz pli for ki dis gouverner dan en lavil.

Ezai 36:11

Apre, Eliakim, Sebna ek Yoa ti dir Ed de kan Asiriyen: Silvouple, koz avek nou dan lalang Arameen, akoz nou konpran. Pa koz langaz Ebre devan sa bann zans ki debout lo miray.

Zeremi 5:15

Zabitan Izrael! Mon pe anvoy kont ou, en pep ki sorti lwen. I pou atak ou. I en pep for e ansyen ki pa'n zanmen perdi okenn lager. Zot pa ni konn son langaz, ni kapab konpran li.

Danyel 2:10

Bann mazisyen ti reponn lerwa, “Napa personn lo later ki kapab revel sa ki lerwa i demande! Annefe, napa okenn lerwa, menm pli gran e pli pwisan ki i kapab ete, ki'n deza demann en tel keksoz avek okenn mazisyen, savan, oubyen sorsye.

Danyel 2:2

Alor, i ti fer apel bann mazisyen, bann savan, ek bann sorsye pour revel li sa ki i'n reve. Zot ti vin devan lerwa.

Danyel 3:8

Deswit apre, serten Babilonyen ti vin akiz bann Zwif.

Danyel 4:7

Alor, bann saz, bann mazisyen, bann deviner ti vini. Mon ti rakont zot sa rev, me zot pa ti kapab fer mwan konn son lenterpretasyon.

Danyel 5:11

I annan en zonm dan ou rwayonm ki annan lespri parey lespri bann bondye sen. Dan lepok ou papa, sa zonm ti posed konnesans ek lasazes parey lasazes bann bondye. Ou papa, lerwa Naboukodonozor, ti met li sef bann mazisyen, bann savan, ek bann deviner,

Danyel 5:7

Lerwa ti kriye avek tou son lafors, pour apel bann savan, bann mazisyen, bann deviner. I ti dir avek bann savan Babilonn: Sa enn ki kapab lir sa ki'n ganny ekri e dir mwan son lenterpretasyon, pou ganny met en rob rwayal rouz, en kolye annor otour son likou, e i ava ganny trwazyenm plas dan gouvernman mon rwayonm.

Danyel 9:1

Dariis, garson Zerzes, en Med, ti vin lerwa rwayonm Babilonyen.

Zakari 2:4

Sa dezyenm lanz ti dir li, “Taye! Al dir avek sa zennonm: Zerizalenm pou ganny abite parey bann vilaz ki napa okenn miray. Annefe, en kantite dimoun ek zannimo pou vin viv kot li.”

Akt de Zapot 7:20

Se dan sanmenm sa lepok ki Moiz ti ne. Moiz ti en zoli baba ki Bondye ti kontan. I ti ganny sonnyen pandan trwa mwan dan lakaz son papa.

Akt de Zapot 7:22

Alor, Moiz ti ganny edike dan tou sa ki bann Ezipsyen ti devre konnen. I ti vin en zonm byen enportan, par parol koman par aksyon.

Efezyen 5:27

I'n oule prezant Legliz devan li sen, san defo, san okenn tas, ni rid, dan laperfeksyon total.

Ziz 8:18

Apre, i ti demann Zeba ek Salmouna, “Ki mannyer bann zonm ki zot ti touye Tabor, ti ete?” Zot ti reponn, “Zot ti parey ou; sakenn zot ti parey en sef.”