Danyel 1:2 - Labib An Kreol Seselwa

² SENYER ti livre Yoyakim, lerwa Zida, dan lanmen Naboukodonozor, avek serten bann istansil tanp Bondye. Naboukodonozor ti anmenn sa bann istansil dan pei Sinear e met zot dan lasal trezor son bann bondye.

Danyel 1:2 ပူးပေါင်းရင်းမြစ်များ

Zenez 10:10

Bann premye lavil dan son rwayonm ti Babel, Erek ek Akad, dan pei Sinear.

Zenez 11:2

Anmezir ki dimoun ti deplase sorti dan Les, zot ti etabli zot dan en gran laplenn dan Mezopotami.

2 Rwa 24:1

Dan sa lepok, Naboukodonozor, lerwa Babilonn ti sorti pour al fer lager. Yoyakim ti anba son pouvwar pandan 3 an. Apre, i ti revolte kont li.

2 Kronik 36:5

Yoyakim ti annan 25 an ler i ti vin lerwa e i ti renny pandan 11 an dan Zerizalenm. Bann aksyon degoutan ki i ti komet pa ti fer plezir SENYER, son Bondye.

2 Kronik 36:7

Naboukodonozor ti osi pran en pe bann lobze sakre dan tanp SENYER ki i ti anmenn dan son pale Babilonn.

Esdras 1:7

Lerwa Siris ti rann tou bann lobze ki Naboukodonozor ti'n pran dan tanp SENYER, dan Zerizalenm, e ki i ti'n plas dan tanp son bann bondye.

Ezai 11:11

Sa zour, SENYER pou lev son lanmen ankor en fwa pour li liber restan son pep; bann ki ti Asiri, Lezip, Patros, Kous, bann ki dan Elanm, Sinear, Hamat e bann ki reste lo bann zil lanmer.

Ezai 42:24

Lekel ki'n livre Zakob avek sa ki pe depouy li e Izrael avek bann voler? Eski pa kont SENYER ki nou'n fer pese? Zot pa'n oule swiv son semen, ni obei son bann komannman.

Zeremi 25:1

Dan katriyenm lannen ki Yoyakim, garson Zozyas ti lerwa Zida, SENYER ti adres en mesaz avek Zeremi, konsernan tou bann zabitan dan Zida.

Zeremi 27:16

Apre, mon ti dir bann pret ek lepep, sa ki SENYER i deklare: Pa bezwen ekout sa bann profet ki pe dir ki bann lobze ki servi dan tanp SENYER, pou byento retournen sorti Babilonn. Sa ki zot pe anonse i en mansonz.

Zeremi 28:3

Dan 2 an, mon fer retourn dan sa pei, tou bann lobze ki dan tanp SENYER e ki lerwa Naboukodonozor in anmenn avek li Babilonn.

Zeremi 35:11

Me kan lerwa Naboukodonozor, lerwa Babilonn ti anvai sa pei, nou ti deside sov isi Zerizalenm, pour nou reste lwen avek bann gerye Babilonyen ek Siriyen. Pour sa rezon ki nou pe viv dan Zerizalenm.”

Zeremi 50:2

Anons sa nouvel parmi bann nasyon: Met en lafis pour fer konnen sa nouvel. Proklanmen! Pa kasyet nanryen: Lennmi in pran Babilonn. Bel in ganny kouver ek laont. Merodak i dan lafreyer. Son bann stati in ganny kouver avek laont; son bann fo bondye i dan lafreyer.

Zeremi 51:44

Mon pour pini Bel, bondye Babilonn. Mon pou fer li rann tou sa ki i'n vole. Bann nasyon pa pou ador Bel ankor. Miray Babilonn in tonbe.

Danyel 5:13

Alor, Danyel ti ganny anmennen devan lerwa. Lerwa ti dir li, “Ou menm sa Danyel, enn bann egzile sorti Zida, ki mon papa, lerwa, ti anmennen?

Danyel 5:18

Mazeste! Bondye Toupwisan ti fer ou papa Naboukodonozor vin lerwa. I ti donn li grander, loner ek laglwar.

Habakouk 1:16

Pour sa rezon, zot ofer en sakrifis an loner zot lasenn e bril lansan devan zot karle. Annefe, akoz sa, ki zot in atrap bokou pwason, e manz bann bon repa.

Zakari 5:11

I ti reponn, “Dan pei Babilonn, kot en sanktyer ava ganny konstri pour li. Kan sa sanktyer ava'n pare, zot ava plas sa pannyen lo son pyedestal.”

Deterononm 32:30

Ki mannyer en zonm tousel i kapab atak mil, de zonm pa kapab fer taye dis mil, si zot Ros protekter pa ti'n vann zot e SENYER pa ti'n livre zot dan pouvwar lennmi?

Ziz 2:14

SENYER ti ankoler kont Izrael. I ti livre zot dan lanmen bann voler ki ti depouy zot. I ti vann zot avek zot bann lennmi ki ti reste otour zot. Zot ti nepli kapab tenir devan zot bann lennmi.

Ziz 3:8

SENYER ti ankoler kont zot. I ti vann zot avek Kousann-Riseataim, lerwa Mezopotami. Bann Izraelit ti servi zot anba dominasyon Kousann-Riseataim pandan wit an.

Ziz 4:2

Alor, SENYER ti vann zot avek Yavin, lerwa Kanaan, ki ti renny Asor. Sisera ti son sef larme. I ti pe reste Haroset-Goim.

1 Samyel 5:2

Zot ti'n pran Kof Bondye e met li dan tanp Dagon, akote Dagon.