Amos 9:8 - Labib An Kreol Seselwa

⁸ Lizye Senyer BONDYE pa kit rwayonm Izrael ki koupab. Mon pou fer li disparet lo sirfas later. Me mon pa pou detri bann desandan lafanmir Zakob. SENYER ki deklare.

Amos 9:8 ပူးပေါင်းရင်းမြစ်များ

Zenez 6:7

I ti dir: Mon pou detri lo later bann et imen ki mon'n kree. Mon pou detri depi zonm, zannimo, pti bebet ek zwazo dan lesyel. Mon regrete mon'n kree zot.

Zenez 7:4

Dan ankor set zour, mon pou fer lapli tonbe lo later pandan 40 zour e 40 nwit; mon pou fer disparet lo later tou bann et vivan ki mon'n fer.”

1 Rwa 13:34

Sa ti pese lafanmir Zeroboanm. Pour sa rezon ki i'n ganny detri e i'n disparet konpletman lo later.

Proverb 15:3

Lizye SENYER i partou; i obzerv dimoun bon koman move.

Proverb 5:21

Annefe, SENYER i war tou sa ki zonm i fer; i egzamin tou zot aksyon.

Zeremi 30:11

Mon avek ou pour sov ou, SENYER i deklare. Mon pou detri tou bann nasyon kot mon ti deport ou. Me ou, mon pa pou detri ou. Sepandan, mon pou koriz ou dapre lazistis. Annefe, mon pa pou kapab tret ou konmsi ou ti inosan.

Zeremi 44:27

Mon pou vey lo zot, pa pour zot boner, me pour zot maler. Zot tou ki sorti Zida e ki pe reste Lezip, zot pou ganny masakre oubyen mor par lafen. Personn pa pou sape.

Zeremi 46:28

Izrael! Ou ki mon serviter, Pa bezwen per, SENYER i deklare. Mon pou vin sov ou. Mon pou detri tou bann nasyon kot mon ti fer ou ganny deporte. Me mon pa pou detri ou. Menm si mon ti bezwen pini ou akoz ou ti merite, mon pa ti kapab tret ou koman en inosan.

Zeremi 5:10

Mont lo bann miray, detri plantasyon rezen, me pa konpletman. Koup son bann brans akoz zot pa pour SENYER.

Oze 1:4

SENYER ti dir Oze: Apel li Zizreel, akoz dan ankor en pe letan mon pou fer lafanmir Zehou peye pour krim ki zot in komet dan lapenn Zizreel. Mon pou met en lafen avek rwayonm Izrael.

Oze 1:6

Gomer ti ansent ankor e i ti ganny en fiy. SENYER ti dir Oze: Ou ava apel li Lo-Rouama, savedir: Sa ki mon pa kontan. Mon pou nepli kontan pep Izrael e kontinyen pardonn zot.

Zoel 2:32

Sa zour la, sa enn ki envok SENYER, ava ganny sove, parey SENYER in promet Zerizalenm, lo montanny Siyon. Pou annan parmi bann sirvivan, en restan pep ki SENYER in apele.

Amos 3:12

La sa ki SENYER i deklare: Parey en berze i aras dan lagel en lyon de lapat oubyen zis en bout zorey en mouton, konmsa menm, ki pep Izrael ki viv dan Samari, pou ganny sove, pandan ki i akroupi dan zot sofa, oubyen lo zot kousen dan lili.

Amos 7:17

Alor, la sa ki SENYER i deklare: Ou fanm pou vin en prostitye dan lavil; ou bann zanfan pou mor dan lager; ou later pou ganny arpante e partaze. Ou menm, ou pou mor dan en pei etranze e pep Izrael pou ganny deporte lwen avek zot pei.”

Amos 9:10

Bann peser parmi mon pep pou ganny masakre. Menm sa bann ki dir: Maler pa pou ariv kot nou.

Amos 9:4

Si zot bann lennmi i deport zot, mon pou donn lord touy zot. Mon lizye pou reste fikse lo zot, pour zot maler, pa pour zot boner.

Deterononm 4:31

Annefe, SENYER, ou Bondye i en Bondye ranpli avek konpasyon; i pa pou abandonn ou ni detri ou. I pa pou oubliy lalyans ki i ti fer avek ou bann zanset.

Deterononm 6:15

akoz SENYER, ou Bondye ki viv parmi ou, i en Bondye zalou. Lakoler SENYER, ou Bondye i kapab anflanmen kont ou e detri ou lo later.