Amos 9:15 - Labib An Kreol Seselwa

¹⁵ Mon pou retabli mon pep lo son later. Zanmen zot pou ganny derasinen lo sa later ki mon'n donn zot. SENYER zot Bondye ki deklare.

Amos 9:15 ပူးပေါင်းရင်းမြစ်များ

Psonm 44:2

Avek ou lafors, ou ti sas bann nasyon pour etabli nou zanset. Ou'n kraz bann nasyon pour fer ou pep grandi.

Psonm 80:8

Ou'n pran en plan rezen Lezip. Ou'n sas son bann zabitan e ou'n replant li.

Ezai 60:21

Tou ou pep pou vin bann zis; zot pou pran posesyon sa later pour touzour. Zot boutir ki mon ti plante, travay mon lanmen, pour fer mon laglwar.

Zeremi 16:15

Mon promet lo non SENYER ki vivan, ki'n fer pep Izrael sorti dan pei Nor e dan lezot pei kot in dispers zot. Wi, mwan, mon pou fer zot retourn lo later ki mon ti'n donn zot zanset.

Zeremi 23:8

me: Mon fer serman par SENYER ki vivan, ki'n fer pep Izrael sorti dan pei Nor e partou dan lezot pei kot i ti sas zot, e in fer zot retourn lo zot prop later.

Zeremi 24:6

Mon pou pran gran swen avek zot, e mon pou fer zot retourn dan sa pei. Olye demoli zot ankor, mon pou relev zot; olye derasin zot, mon pou replant zot.

Zeremi 3:18

Sa zour la, Zida pou vin ansanm avek pep Izrael. Zot pou sorti dan pei Nor, kot zot in viv annegzil, pour zot vin dan sa pei ki mon'n donn zot zanset, koman en patrimwann.

Zeremi 32:15

Annefe, la sa ki SENYER liniver, Bondye Izrael i deklare: Dimoun pou rekonmans aste lakaz, later, plantasyon rezen dan sa pei.

Zeremi 32:37

Mon pou rasanble zot depi tou bann pei kot mon ti'n dispers zot dan mon lakoler. Mon pou fer zot retourn isi kot zot ava viv an sekirite.

Zeremi 32:41

Mon pou pran plezir fer zot dibyen. Mon pou met tou mon leker e mon et antye pour ki zot enstal zot definitivman dan sa pei.

Zeremi 33:7

Mon pou fer Zida ek Izrael prospere, e mon pou rekonstri zot parey zot ti ete avan.

Ezekyel 34:28

Zot pou nepli viktim bann nasyon, ni ganny devore par bann zannimo sovaz. Zot ava viv an sekirite e personn pa pou fer zot per.

Ezekyel 37:21

Dir zot: La sa ki Senyer BONDYE i deklare: Mon pou retir pep Izrael parmi bann nasyon kot zot in disperse; mon pou rasanble zot sorti dan tou kote e anmenn zot dan zot prop pei.

Ezekyel 37:25

Zot pou reste dan sa pei ki mon'n donn mon serviter, Zakob, la kot zot bann zanset ti reste. Zot pou reste dan sa pei avek zot zanfan ek zanfan zot zanfan, pour touzour. Mon serviter David ava vin zot lerwa pour touzour.

Zoel 3:20

Me pou touzour annan zabitan dan pei Zida ek Zerizalenm.

Mise 4:4

Sakenn pou viv anba son prop tonnel rezen. Zot pou viv anpe anba zot pye fig, san ki personn i fer zot per. SENYER liniver ki deklare.