Amos 9:11 - Labib An Kreol Seselwa

¹¹ La sa ki SENYER i deklare: Sa zour pe vini kan mon pou rekonstri lavil David ki'n tonm anrin parey en payot. Sa zour la, mon pou repar li, mon pou remet li debout. Mon pou rekonstri li e retourn li parey i ti ete avan.

Amos 9:11 ပူးပေါင်းရင်းမြစ်များ

Liv Zob 1:10

Pa ou'n protez li, son lakaz, son fanmir ek tou sa ki i posede? Ou'n telman beni tou sa ki i'n antreprann, ki son bann troupo i kouver pei.

Psonm 143:5

Mon mazin letan pase; mon medit lo ou bann mervey; mon reflesir lo louvraz ou lanmen.

Psonm 80:12

Akoz ou'n defons son bann baraz e les bann pasan vol son bann fri?

Psonm 89:40

Ou'n defons tou son bann miray; ou'n demoli son bann fortres.

Ezai 16:5

Alor, par ou fidelite, en tronn pou ganny etabli. Parmi desandan David, en dirizan pou leve ki pou gouvern avek lazistis e avek ladrwatir.

Ezai 5:5

Aprezan, les mwan dir zot ki mon pou fer avek mon plantasyon rezen: Mon pou tir bann klotir e les li ganny devore. Mon pou kas son bann miray e les li ganny kraze anba lipye.

Ezai 58:12

Alor, ou ava repar bann lavil ki'n tonm anrin; ou pou rekonstri fondasyon bann zenerasyon pase. Dimoun pou apel ou: Sa enn ki repar bann miray grennen, e restor bann semen e rann lavil abitab.

Ezai 63:11

Alor, son pep ti rapel letan pase, lepok Moiz son serviter: Oli sa enn ki ti fer zot monte, sorti dan lanmer avek bann berze son troupo? Oli sa enn ki ti met son souf sakre dan zot?

Ezai 65:9

Mon pou fer sorti en desandan dan Zakob. Dan Zida pou sorti en zeritye; bann ki mon'n swazir pour erit mon bann montanny la kot mon bann serviter pou enstal zot.

Zeremi 18:9

Parfwa, mon dir ki mon pou rekonstri e replant en nasyon oubyen en rwayonm.

Zeremi 30:9

Zot ava servi SENYER zot Bondye, e David, zot lerwa ki mon pou donn zot.

Zeremi 46:26

Mon pou livre zot avek sa bann dimoun ki oule zot lanmor: Naboukodonozor lerwa Babilonn ek son bann gerye. Me plitar, Lezip pou ganny repeple, parey i ti ete dan letan pase, SENYER i deklare.

Lamantasyon 5:21

Fer nou retourn kot ou, SENYER, e nou ava retournen. Redonn nou, nou dinyite letan pase.

Ezekyel 17:24

Tou pye dibwa dan lakanpanny pou konnen ki mwan menm SENYER. Mon pou abes bann gran pye dibwa. Mon pou elev bann pti pye dibwa. Mon pou fer sek bann pye dibwa ver e fer bann ki sek fleri. Mwan SENYER ki'n koze, mon pou fer li.

Ezekyel 36:11

Mon pou ogmant ou popilasyon, dimoun koman zannimo. Zot pou ganny bokou zanfan e vin en gran pep. Zot pou ganny peple parey dan lepase e mon pou ogmant zot prosperite plis ki avan. Alor, zot ava konnen ki mwan menm SENYER.

Oze 3:5

Plitar, Izrael ava retourn ver SENYER, zot Bondye e David zot lerwa. An tranblan, zot ava tourn ver SENYER e ver son bonte dan lavenir.

Abdyas 1:17

Lo montanny Siyon bann sirvivan pou trouv en labri. Desandan Zakob pou repran posesyon zot pei.

Mise 5:2

Ou, Betlehenm Efrata! Ou pli pti parmi bann klan dan Zida. Kot ou, pou sorti pour mwan, sa enn ki pou gouvern Izrael. Son lorizin i remont dan lwen, lontan.

Mise 7:11

Sa zour, ou bann miray pou ganny rekonstri. Sa menm zour, ou bann teritwar pou agrandi.

Mise 7:14

SENYER! Avek ou baton berze, kondwir ou pep. I pe reste tousel dan lafore, parmi bann pye fri. Parey dan letan lontan, anmenn li dan bann laplenn Basann, dan Galaad.

Mise 7:8

Ou mon lennmi! Pa rezoui lo mwan. Si mon'n tonbe, mon pou leve. Si mon pe asiz dan fernwanr, SENYER i mon lalimyer.

Zakari 12:7

SENYER pou sov bann fanmir Zida an premye. Konmsa, laglwar tribi David e laglwar zabitan Zerizalenm pa pou siperyer ki pour Zida.

Zakari 14:10

Pei antye pou vin en laplenn, depi Geba ziska Rimonn ki sitye dan Sid avek Zerizalenm. Me Zerizalenm pou reste kot i ete lo oter, depi Laport Benzamen kot vye laport ti ete, ziska laport Kwen, e depi Latour Hananeel, ziska bann basen lerwa kot i kraz rezen pour fer diven.

Zakari 6:12

Ou ava dir li: La sa ki SENYER liniver i deklare: La en zonm ki apel Bourzon Kot i ete i pou prodwir lavi e i pou konstri tanp SENYER.

Nonm 24:18

I pou ganny laviktwar lo Edonm e pran posesyon zot teritwar. Izrael i montre son lafors.