Amos 9:1 - Labib An Kreol Seselwa

¹ Mon ti war SENYER debout kot lotel. I ti dir: Tap kornis bann kolonn e son fondasyon i ganny sekwe! Kraz zot e fer tonm lo zot latet; Mon pou fer masakre sa bann ki reste. Personn pa pou sape; personn pa pou kapab sove.

Amos 9:1 ပူးပေါင်းရင်းမြစ်များ

2 Kronik 18:18

Mise ti kontinyen, “Ekout byen sa ki SENYER i deklare: Annefe, mon'n war SENYER asize lo son tronn, avek tou son larme lanz debout adrwat e agos.

Psonm 68:21

Me Bondye pou kraz latet son bann lennmi ki, avek zot seve long, zot kontinyen viv en lavi koupab.

Psonm 68:22

SENYER i deklare: Mon pou fer zot retournen sorti Basann. Mon pou fer zot sorti dan profonder lanmer.

Ezai 30:16

Ou'n dir: Non! Nou pou sove lo seval. Alor, zot pou sove! Zot dir osi: Nou bann seval i rapid! Alor! Bann ki pourswiv zot pou osi rapid.

Ezai 6:1

Dan lannen ki lerwa Ozyas ti mor, mon ti war SENYER asiz lo en tronn tre o; son rob ti ranpli tanp.

Zeremi 11:11

Akoz sa, la sa ki SENYER, i deklare: Mon pou fer en maler tonm lo zot e zot pa pou kapab sape. Zot ava apel mwan; mon pa pou ekout zot.

Zeremi 42:16

lager ki zot sitan per pou swiv zot laba Lezip; lafanmin ki donn zot en ta traka pou pourswiv zot laba Lezip kot zot pou mor.

Zeremi 48:44

Sa enn ki pou esey sov lafreyer, pou tonm dan lafos. Sa enn ki sorti dan lafos, pou ganny pri dan latrap, akoz SENYER in fikse letan ler Moab pour ganny detri.

Ezekyel 1:28

Sa lalimyer otour li ti parey en larkansyel dan nyaz apre en zour lapli. I ti reflekte laglwar SENYER. Kan mon ti war sa, mon ti tonm lafas ater e mon ti antann en lavwa.

Ezekyel 10:4

Laglwar SENYER ti sorti kot seriben e monte dan direksyon lantre tanp. En nyaz ti ranpli tanp, me lakour ti ganny iliminen par laglwar SENYER.

Ezekyel 15:7

Mon pou azir kont zot; zot krwar zot in sove dan dife, me dife pou detri zot. Kan mon pou azir kont zot, zot ava konnen ki mwan menm SENYER.

Ezekyel 9:2

Alor, sis zonm ti arive par laport siperyer ki vir lo kote Nor. Sakenn ti annan son zarm pour masakre dan son lanmen. Parmi zot, ti annan en zonm abiye dan lenz linenn ki ti annan son lekipman pour ekri dan son kote. Zot ti antre e debout akote lotel an bronz.

Amos 3:14

Zour mon pou pini pep Izrael pour son bann krim, mon pou detri tou bann lotel ki dan Betel. Tou bann kwen lotel pou ganny kase e pou tonm ater.

Amos 7:17

Alor, la sa ki SENYER i deklare: Ou fanm pou vin en prostitye dan lavil; ou bann zanfan pou mor dan lager; ou later pou ganny arpante e partaze. Ou menm, ou pou mor dan en pei etranze e pep Izrael pou ganny deporte lwen avek zot pei.”

Amos 7:9

Mon pou detri bann landrwa sakre desandan Izaak. Bann sanktyer Izrael pou ganny demoli. Mon pou servi lepe kont lafanmir rwayal Zeroboanm.”

Habakouk 3:13

Ou sorti pour sov ou pep, pour sov sa enn ki ou'n konsakre. Ou detri sef klan bann malfeter. Ou detri zot konpletman.

Sofoni 1:12

Dan sa lepok, mon pou pran en lalanp; mon pou fouy dan Zerizalenm. Mon pou pran aksyon kont bann zonm ki viv trankilman e ki les lanmar poze parey dan en fon boutey. Zot dir: SENYER pa fer ni sa ki byen, ni sa ki mal.

Sofoni 2:14

Bann troupo ek tou kalite zannimo pou viv la: Ibou ek katiti pou pas lannwit parmi son bann kolonn. Zwazo pou vin kriy obor lafnet. Larin i partou, depi lantre, akoz bann lanbri an sed in ganny arase.

Levanzil dapre Zan 1:18

Personn pa'n deza war Bondye. Me sa enn ki'n fer konn li, se Bondye, son sel Garson, ki dan leker son Papa.

Levanzil dapre Zan 1:32

La temwannyaz ki Zan ti fer: Mon ti war Lespri desann sorti dan lesyel dan laform en pizon e apoz lo li.

Akt de Zapot 26:13

Lerwa Agripa! Pandan ki mon ti dan semen, ver midi, mon ti war en lalimyer sorti dan lesyel, pli briyan ki soley, ki ti klate otour mwan ek mon bann kanmarad.

Zozye 10:18

Zozye ti dir, “Roul bann gro ros devan lantre kavern e poste bann gard pour vey zot.

Revelasyon 1:17

Kan mon ti war li, mon ti tonm dan son lipye koman en dimoun mor. I ti poz son lanmen drwat lo mwan. I ti dir: Pa per! Mwan menm Alfa e Omega; Premye e Dernyen;

Revelasyon 8:3

En lot lanz avek en lansanswar annor dan son lanmen, ti vin debout kot lotel. Zot ti donn li en kantite lansan pour ofer avek lapriyer pep Bondye, lo lotel annor devan tronn.