Amos 8:4 - Labib An Kreol Seselwa

⁴ Ekoute, zot ki kraz bann malere, e ki oule detri bann pov dan sa pei.

Amos 8:4 ပူးပေါင်းရင်းမြစ်များ

1 Rwa 22:19

Alor, Mise ti dir, “Ekout parol SENYER. Mon'n war SENYER pe asiz lo son tronn e larme lesyel antye avek li, dan son kote drwat ek dan son kote gos.

Liv Zob 24:4

Zot sas bann pov lo semen; tou bann malere dan pei i bezwen al kasyet.

Psonm 10:7

Zis malediksyon, mansonz ek vyolans ki sorti dan son labous. Anba son lalang i annan zis forfe ek mesanste.

Psonm 12:5

SENYER i deklare: Akoz bann pov in ganny kraze, akoz bann ki dan bezwen pe plennyen, mon pou pran aksyon. Mon pou protez zot parey zot demande.

Psonm 14:4

Eski sa bann malfeter i inyoran? Zot pe devor mon pep; zot pe manz son dipen. Zot pa ni priy SENYER.

Psonm 140:12

Mon konnen ki SENYER pa oubliy bann malere e ki i rann zizman an faver bann pov.

Psonm 56:1

Mon Bondye! Pran pitye pour mwan; dimoun pe pourswiv mwan. Tou le zour zot atak mwan e zot kraz mwan.

Proverb 30:14

Serten i annan ledan parey lepe, e lanmaswar parey kouto pour devore e fer disparet bann pov lo later, ek bann dezerite parmi bann et imen.

Ezai 1:10

Dirizan Sodonm! Ekout parol SENYER! Pep Gomor! Ekout lansennyman nou Bondye!

Ezai 28:14

Alor! Bann ensolan ki domin sa pep ki reste Zerizalenm! Ekout parol SENYER.

Zeremi 28:15

Profet Zeremi ti dir profet Hananya: Hananya! Ekout mwan byen. SENYER pa'n anvoy ou e ou pe fer sa pep krwar dan en mansonz.

Zeremi 5:21

Ekout mwan byen, pep tro bet pour konpran. Ou annan lizye, me ou pa war. Ou annan zorey, me ou pa tande.

Ezekyel 22:12

Kot ou, i annan ki aksepte larzan pour fer koule disan, ki pret larzan, egziz gro lentere e eksplwat zot prosen pour anrisi zot. Me mwan, zot in oubliy mwan, Senyer BONDYE ki deklare.

Ezekyel 45:10

Itiliz balans ek mezir zis.

Amos 5:11

Zot in kraz dimoun pov, zot in pran pardfors en parti zot rekolt. Pour sa rezon, zot pa pou viv dan bann lakaz fer avek ros taye e ki zot in konstri. Zot pa pou bwar diven sorti dan zot bann plantasyon rezen.

Amos 5:12

Mon konnen kantite pese ki zot in fer e tou sa kantite krim ki zot in komet. Zot persekit bann inosan; zot anpes bann pov rod zot drwa devan ziz.

Amos 7:16

“Aprezan, ekout parol SENYER. Ou dir: Aret profetiz kont Izrael, aret pres kont lafanmir Izaak.

Mise 2:2

Kan zot anvi bann plantasyon, zot pran. Si zot anvi bann lakaz, zot sezi. Zot fer mizer en dimoun ek son fanmir e zot akapar son posesyon.

Mise 3:3

Zot devor laser mon pep, deplis lapo lo zot, kas zot lezo an morso, e koup zot konmsi lavyann ki ou met kwi dan marmit.

Zakari 5:6

Mon ti demande, “Kisisa?” I ti reponn mwan, “Sa i en pannyen ki pe avanse. I kontenir zot pese dan pei antye.”

Matye 23:13

“Maler lo zot, bann profeser Lalwa ek bann Farizyen! Bann ipokrit! Zot ferm laport Rwayonm Lesyel. Zot menm zot pa antre, e zot pa les antre dimoun ki a kontan antre.

Let Zak 5:6

Zot in kondann e touy dimoun inosan, ki pa'n montre okenn rezistans.