Amos 8:13 - Labib An Kreol Seselwa

¹³ Sa zour la, bann zoli zenn fiy ek bann zoli zennzan pou perdi konnesans akoz laswaf.

Amos 8:13 ပူးပေါင်းရင်းမြစ်များ

Psonm 63:1

Mon Bondye! Ou menm mon Bondye. Mon pe rod ou koman soley i leve. Mon swaf, mon anvi ou mon Bondye. Mon lekor i bezwen ou parey en later ki'n sek, san delo.

Ezai 40:30

Menm lazenes pou afebli e fatige e bann zennzan pou zis tonbe.

Ezai 9:17

Pour sa rezon, SENYER pa pou toler zot bann zennzan, ni pran konpasyon pour zot bann orfelen ek zot bann vev. Annefe, zot in dezobeisan anver Bondye, e zot in fer sa ki mal; dan zot labous, zis move keksoz ki sorti. Malgre tousala, lakoler SENYER pa kalme; son lanmen i reste touzour menasan.

Zeremi 48:18

Zabitan Dibonn! Desann depi zot pyedestal, vin asiz dan lapousyer. Lennmi ki'n vin pour detri Moab pe vin atak ou; in detri ou bann miray fortifikasyon.

Lamantasyon 1:18

SENYER ti annan rezon azir konmsa anver mwan, akoz mon'n revolte kont son komannman. Tou bann pep! Ekout mwan: Get mon soufrans. Mon bann zenn fiy ek mon bann zennzan in ganny anvoye annegzil.

Lamantasyon 2:10

Bann ansyen dan Zerizalenm in asiz ater san dir nanryen. Zot in kouver zot latet avek lapousyer e zot in met lenz dey. Bann zenn fiy dan Zerizalenm in bes zot latet ater.

Lamantasyon 2:21

Zenn koman vye in tale dan lapousyer lo semen. Zenn fiy ek zenn garson in ganny masakre. Zour ou lakoler ti leve, ou'n touy zot, ou'n masakre zot san pitye.

Oze 2:3

Sankwa, mon pou tir li touni, parey i ti ete zour son nesans. Mon pou fer teritwar Izrael vin en dezer; mon pou fer li vin en later konpletman sek. Mon pou fer li mor laswaf.

Oze 2:5

Annefe, zot manman i en prostitye. Sa enn ki'n met zot omonn, i kouver avek laont. I ti dir: Mon pou swiv mon bann galan ki donn mwan mon manze ek mon delo, mon lalenn ek mon latwal linenn, mon delwil ek mon diven.

Zakari 9:17

Zot pou vreman ere! Zot pou vreman zoli! Dible ava donn lafors bann zennzan e diven nouvo bann zenn fiy.

Deterononm 32:25

Dimoun pou ganny masakre dan lari. Dan bann lakaz, zennzan, zenn fiy, pti baba ki ankor pe tete, vyeyar avek seve blan zot tou, zot pou mor avek lafreyer.