Amos 8:11 - Labib An Kreol Seselwa

¹¹ La sa ki Senyer BONDYE i deklare: Sa zour pe vini, kan mon pou anvoy lafanmin dan pei. Dimoun pou mor lafen, me pa akoz zot mank manze. Zot pou mor laswaf, me pa akoz zot mank delo. Zot pou lafen, zot pou swaf, pour antann parol SENYER.

Amos 8:11 ပူးပေါင်းရင်းမြစ်များ

2 Kronik 15:3

Pandan lontan, bann Izraelit pa'n konn vre Bondye, ni annan pret pour ansenny zot; zot pa ti konn lalwa.

Psonm 74:9

Nou nepli war ou prezans. Nou nepli annan okenn profet. Personn parmi nou pa konnen ziska kan sa sityasyon pou dire.

Proverb 29:18

Ler napa okenn vizyon pour lavenir, lepep pa ganny kontrole; i ere sa enn ki obei lalwa.

Ezai 5:6

Mon pou les li vin en landrwa abandonnen. Personn pa pou tay son bann brans; personn pa pou aras bann move zerb. Bann plant anvaisan ek zarbis pikan pou pouse. Mon pou anpes bann nyaz fer lapli tonm lo li.

Ezekyel 7:26

Maler apre maler, move nouvel pou vin enn apre lot. Zot pou sipliy profet pour revel en vizyon, me pret pou nepli annan lalwa pour ansennyen. Bann ansyen pou nepli annan konsey pour donnen.

Oze 2:3

Sankwa, mon pou tir li touni, parey i ti ete zour son nesans. Mon pou fer teritwar Izrael vin en dezer; mon pou fer li vin en later konpletman sek. Mon pou fer li mor laswaf.

Mise 3:6

Pour sa rezon, lannwit pou tonm lo zot. Zot pa pou ganny okenn vizyon ankor. Fernwanr pou tonm lo zot san revelasyon ankor. Soley pou kous lo sa bann profet: Lizour, zot pou dan fernwanr.

Matye 9:36

Son leker ti ranpli avek konpasyon pour lafoul ki i ti war, akoz zot ti fatige e dekouraze. Zot ti parey bann mouton san berze.

1 Samyel 28:15

Samyel ti demann Sail, “Akoz ou'n deranz mwan, e fer mwan monte?” Sail ti dir, “Mon dan gran problenm. Bann Filisten pe lager avek mwan, e Bondye in rezet mwan. I nepli reponn mwan, ni par lentermedyer bann profet, ni dan rev. Alor, mon'n apel ou pour mwan konnen ki fodre mon fer.”

1 Samyel 28:6

Sail ti konsilte SENYER, me SENYER pa ti reponn li, ni par rev, ni par Ourim, ni par bann profet.

1 Samyel 3:1

Sa zenn garson, Samyel, ti kontinyen servi SENYER anba sirveyans Eli. Dan sa lepok, mesaz sorti kot SENYER ti rar; i ti pa souvan kominik par vizyon.