Amos 7:3 - Labib An Kreol Seselwa

³ Alor, SENYER ti regrete. I ti dir: Sa pa pou arive.

Amos 7:3 ပူးပေါင်းရင်းမြစ်များ

Zenez 6:7

I ti dir: Mon pou detri lo later bann et imen ki mon'n kree. Mon pou detri depi zonm, zannimo, pti bebet ek zwazo dan lesyel. Mon regrete mon'n kree zot.

1 Kronik 21:15

I ti anvoy son lanz pour detri Zerizalenm. Me letan i ti pe detri li, SENYER ti war sa maler e i ti regrete. I ti dir avek lanz, “Ase, arete!” Dan sa moman, lanz SENYER ti pe debout pre avek landrwa kot Ornann, en Zebizit, ti bat dible.

Psonm 106:45

i ti rapel son lalyans avek zot. Dan son gran fidelite, i ti pran konpasyon pour zot.

Psonm 78:38

Pourtan, dan son konpasyon i ti pardonn zot, zot pese e i pa ti detri zot. Souvan, i ti retenir son lakoler, e i pa ti les sape son firer.

Psonm 90:13

Retournen SENYER! Ziska kan? Pran pitye pour ou bann serviter.

Egzod 32:14

Alor, SENYER pa ti fer dimal ki i ti'n dir i pou fer son pep.

Zeremi 26:19

Eski lerwa Ezekyas ek lepep Zida ti fer Mise ganny touye pour sa? O kontrer, Ezekyas ti montre en gran respe pour SENYER e fer tou pour li ganny son faver. Alor, SENYER ti sanz son lide lo bann dezas ki i ti dir i pour anvoy lo zot. Fer atansyon ki nou pa anmenn en gran dezas lo nou menm.

Zeremi 42:10

Si zot kontinyen reste dan sa pei, alor mon ava rekonstri zot pep, mon pa pou detri li. Olye derasin zot, mon ava replant zot, akoz mon regret tou sa maler ki mon'n fer tonm lo zot.

Oze 11:8

Ki mannyer mon pou kapab abandonn Efraim, e debarase avek ou, Izrael? Ki mannyer mon pou kapab tret ou parey Adma, e tret ou parey avek Seboim? Sa lide i boulvers mon leker, mon konpasyon i tro for.

Zoel 2:13

Pa desir zot lenz, me plito zot leker. Retourn kot SENYER, zot Bondye, akoz i ranpli avek konpasyon ek pitye. I ranpli avek pasyans ek fidelite; i regret bann pinisyon.

Zoel 2:14

Petet i ava sanz son desizyon, e donn ou son benediksyon! Alor, ofer SENYER, ou Bondye en lofrann dible ek diven.

Amos 5:15

Ay sa ki mal, kontan sa ki byen. Fer respekte lazistis an kour. Alor, SENYER, Bondye liniver ava kekfwa pran pitye pour sa restan lafanmir Zozef.

Amos 7:6

Alor, SENYER ti sanz son lide. I ti dir: Sa osi pa pou arive.

Zonas 3:10

Kan Bondye ti war ki mannyer bann zabitan Niniv ti repanti, i pa ti pini zot parey i ti'n dir i pou fer. I pa ti detri lavil.

Deterononm 32:36

Annefe, SENYER pour ziz son pep; i pou pran pitye pour son bann serviter, akoz i pou war ki zot lafors in fini e ki nepli annan ni lesklav ni zonm lib.

Let Zak 5:16

Alor, konfes zot pese avek kanmarad, priy pour kanmarad, pour ki zot ava ganny gerizon. Lapriyer senser en dimoun zis, i fer bokou lefe.