Amos 7:2 - Labib An Kreol Seselwa

² Kan bann sotrel ti'n fini manz tou zerb dan pei, mon ti kriye: Senyer BONDYE! Pardonn ou pep! Ki mannyer Zakob pou kapab sirviv? I telman pti!

Amos 7:2 ပူးပေါင်းရင်းမြစ်များ

Psonm 12:1

SENYER! Mon kriy osekour. Tou dimoun fidel in disparet. Nepli annan personn ki ou kapab fer konfyans.

Egzod 10:15

Zot ti kouver pei antye e partou ti fernwanr. Zot ti devor tou vezetasyon dan Lezip, tou bann fri e tou sa ki lagrel ti'n kite. Partou dan Lezip, pa ti reste en sel fey ver lo okenn pye dibwa, ni zerb dan lakanpanny.

Egzod 34:9

I ti dir, “SENYER! Si vreman mon'n ganny ou faver, mon sipliy ou pour mars avek nou, akoz latet sa pep i dir. Ou pou pardonn nou, nou fot ek nou pese e aksepte nou koman ou posesyon.”

Ezai 37:4

Petet SENYER ou Bondye in antann bann parol Ed de kan ki son met, lerwa Asiri, in anvoye pour ensilte Bondye vivan; petet ki i ava pini li pour sa bann parol ki SENYER ou Bondye in tande. Alor, priy pour restan pep ki ankor vivan.

Ezai 51:19

Sa de maler ki'n ariv ou lekel ki pou senpatiz avek ou? Devastasyon ek destriksyon lafanmin ek lager, lekel ki pou konsol ou?

Zeremi 14:7

Mon pep i kriy ver mwan: Menm si nou pese i akiz nou, ed nou, SENYER, pour loner ou non. Plizyer fwa nou'n tourn nou ledo kont ou; nou'n komet bokou pese kont ou.

Zeremi 42:2

kot profet Zeremi. Zot ti dir li, “Nou sipliy ou, priy SENYER ou Bondye pour nou. Priy pour nou tou ki'n reste vivan. Parey ou kapab war ou menm, i pa reste bokou nou.

Ezekyel 11:13

Pandan ki mon ti pe transmet sa mesaz, Pelatya, garson Benaya ti mor. Alor, mon ti tonm lafas ater e mon ti kriy byen for, “Senyer BONDYE eski ou pou fer disparet leres pep Izrael?”

Ezekyel 9:8

Pandan ki zot ti pe fer sa masak, mon ti reste tousel. Mon ti tonm lafas ater e plere, “A wi! Senyer BONDYE! Dan ou gran lakoler kont Zerizalenm, eski ou pou detri tou restan Izraelit?”

Danyel 9:19

Senyer, ekoute! Senyer, pardonn nou! Senyer, pran pitye! Azir, san tarde! Pour ou non, mon Bondye! Akoz ou non i ganny envoke lo sa lavil e lo ou pep!

Zoel 2:17

Zot bann pret ki servi SENYER! Lamante ant lotel ek laport sanktyer. Dir: SENYER! Sov ou pep! Pa les ou bann zanfan vin en laont parmi bann nasyon! Pa les bann nasyon dir: Oli zot Bondye?

Amos 4:9

Mon'n anvoy maladi lo zot bann plantasyon. Zot bann zarden, bann plantasyon rezen, ek zot plantasyon zoliv, in ganny devore par senir. Malgre sa, zot pa'n retourn ver mwan. SENYER ki'n deklare.

Amos 7:5

Alor, mon ti kriye: Senyer BONDYE, mon priy ou: Arete. Ki mannyer Zakob pou kapab sirviv? I telman pti!

Zakari 4:10

Sa enn ki'n mepriz letan bann pti keksoz, pou kontan kan i pou war sa pyer fondasyon dan lanmen Zorobabel! Sa set lalanp se lizye SENYER ki eksplor later antye.”

Revelasyon 9:4

Bann sotrel ti ganny lord pour pa fer dimal zerb lo later, ni pye dibwa, ni okenn plant, me zis bann zonm ki pa ti'n ganny marke avek sele Bondye lo zot fron.