Amos 7:17 - Labib An Kreol Seselwa

¹⁷ Alor, la sa ki SENYER i deklare: Ou fanm pou vin en prostitye dan lavil; ou bann zanfan pou mor dan lager; ou later pou ganny arpante e partaze. Ou menm, ou pou mor dan en pei etranze e pep Izrael pou ganny deporte lwen avek zot pei.”

Amos 7:17 ပူးပေါင်းရင်းမြစ်များ

2 Rwa 17:6

Nevyenm lannen renny Oze, lerwa Asiri ti pran lavil Samari e anmenn bann Izraelit annegzil Asiri. I ti fer zot reste Hala, lo Habor, larivyer Gozann e dan bann lavil Med.

Psonm 78:55

I ti sas bann nasyon devan zot. I ti partaz pei e donn sakenn son par e enstal bann tribi Izrael dan zot latant.

Ezai 13:16

Zot bann zanfan pou ganny kraze devan zot, zot lakaz pou ganny sakaze e zot bann fanm pou ganny vyole.

Ezai 22:18

I pou vir ou parey en boul e zet ou dan en gran laplenn. Ou pou mor la avek ou bann kales lager ki ou lafyerte. Ou en dezoner pour lakour ou met.

Zeremi 14:16

Sa bann dimoun avek ki zot in anons lavenir, zot osi, zot pou mor dan menm fason. Zot lekor pou ganny zete dan bann lari Zerizalenm, e pa pou annan personn pour anter zot. Sa pou ariv avek zot tou: Fanm, garson ek fiy. Mon pou fer zot mesanste retonm lo zot menm.

Zeremi 20:6

Kanta ou, Pasour, ou pou ganny kaptire e ganny anvoye Babilonn avek tou ou fanmir. Ou pou mor e ganny antere laba avek tou ou bann zanmi avek ki ou'n anons mansonz.

Zeremi 28:12

Apre ki profet Hananya ti'n kas sa bar dibwa ki ti lo likou Zeremi, SENYER ti koz avek Zeremi:

Zeremi 28:16

Alor, la sa ki SENYER i deklare: Mon pou fer ou disparet lo sa later. Ou pou mor sa lannen, akoz ou'n fer dimoun revolte kont SENYER.

Zeremi 29:21

La sa ki SENYER liniver, Bondye Izrael i dir konsernan Akab, garson Kolaya, lo Sedesyas, garson Maaseya ki pe koz mansonz lo mon non. Mon pou livre zot dan lanmen Naboukodonozor, lerwa Babilonn ki pour met zot anmor devan zot lizye.

Zeremi 29:25

Lo ou prop non, ou'n anvoy bann let kot tou zabitan dan Zerizalenm, kot pret Sofoni, garson Maaseya e tou lezot pret. La sa ki ti'n ekri dan sa bann let:

Lamantasyon 5:11

Bann fanm in ganny vyole dan Zerizalenm; bann vyerz dan bann lavil Zida.

Ezekyel 4:13

SENYER ti azoute: Konmsa ki pep Izrael pou manz en nouritir enpir dan sa bann pei etranze kot mon pou sas li.

Oze 9:3

Zot pa pou reste dan pei SENYER; Efraim pou retourn Lezip, e i pou manz manze enpir Asiri.

Amos 6:7

Pour sa rezon, zot pou premye pour ganny egzile. Bann parese! Zot pou ganny deporte.

Amos 7:11

La sa ki Amos in dir: “Zeroboanm pou mor dan lager, e pep Izrael pou ganny deporte lwen avek zot pei.”

Amos 8:1

Senyer BONDYE ti montre mwan en pannyen fri mir dan en vizyon.

Amos 9:1

Mon ti war SENYER debout kot lotel. I ti dir: Tap kornis bann kolonn e son fondasyon i ganny sekwe! Kraz zot e fer tonm lo zot latet; Mon pou fer masakre sa bann ki reste. Personn pa pou sape; personn pa pou kapab sove.

Amos 9:8

Lizye Senyer BONDYE pa kit rwayonm Izrael ki koupab. Mon pou fer li disparet lo sirfas later. Me mon pa pou detri bann desandan lafanmir Zakob. SENYER ki deklare.

Mise 1:16

Zabitan Zerizalenm! Raz ou latet, koup ou seve, akoz ou bann zanfan byenneme. Fer ou latet sov parey en leg, akoz zot pe ganny anmennen annegzil lwen avek ou.

Zakari 14:2

Mon pe rasanble tou bann nasyon pour atak Zerizalenm. Lavil pou ganny kaptire, bann lakaz met anba lao, e bann fanm pou ganny vyole. Lanmwatye bann zabitan Zerizalenm pou ganny deporte; me sa lot lanmwatye ava kapab reste dan lavil.