Amos 6:8 - Labib An Kreol Seselwa

⁸ Senyer BONDYE, par en serman, SENYER, Bondye liniver i deklare: Lorgey pep Izrael i degout mwan; mon deteste lorgey lafanmir Zakob ek son bann pale. Mon pou livre lavil Samari dan lanmen lennmi ek tou sa ki ladan.

Amos 6:8 ပူးပေါင်းရင်းမြစ်များ

Zenez 22:16

I ti dir li, “Mon fer sa serman par mon non. La sa ki SENYER i deklare: Akoz ou'n fer sa e ou pa'n refize ofer ou garson, ou sel garson,

Psonm 106:40

Alor, lakoler SENYER ti monte kont son pep e i ti degout zot.

Psonm 47:4

In swazir en patri pour nou, ki fer lafyerte Zakob ki i kontan.

Psonm 50:12

Si mon lafen, mon pa pou bezwen fer ou konnen, akoz later ek tou sa ki i annan dan lemonn i pour mwan.

Psonm 78:59

Bondye ti ankoler kan i ti antann sa e i ti abandonn pep Izrael.

Proverb 8:13

Ler ou annan respe anver SENYER, ou deteste sa ki mal. Mon deteste lorgey ek larogans, movez aksyon ek mansonz.

Ezai 28:1

Maler lo bann soular dan pei Efraim, lavil dan laform en kouronn! I ganny byen dekore lo sa kolin ki domin son vale fertil. Me son labote i parey bann fler sek ki orn latet bann ki'n gonfle avek manze gra, ki'n soule avek diven.

Zeremi 12:8

Mon prop pep ki mon'n swazir in vir kont mwan. Parey en lyon dan lafore, in kriy avek mwan. Sa i fer mwan deteste li.

Zeremi 22:14

I ganny modi sa enn ki dir: Mon pou konstri en gran pale pour mwan avek bann gran lasanm dan letaz. I fer pers bann lafnet, e kouver miray avek lanbri dibwa sed, e penn zot an rouz.

Zeremi 22:5

Me si ou pa swiv mon bann konsey, mon promet ki sa pale pou tonm anrin, SENYER i deklare.

Zeremi 44:26

Alor, zot tou ki sorti Zida e ki pe reste Lezip, ekout byen sa ki SENYER i dir zot: Mon fer serman par mon gran non, SENYER i deklare: Zanmen ankor mon pour permet personn parmi zot ki reste Zida, e partou dan pei Lezip, servi mon non pour dir: Mon fer serman par Senyer BONDYE ki vivan.

Zeremi 49:13

SENYER i deklare: Mon fer sa serman: Lavil Bosra pour vin en sit degoutan, en ta debri. I pou vin en proverb malediksyon, en mokri. Tou bann vilaz dan zanviron pour ganny devaste pour touzour.

Zeremi 51:14

SENYER liniver in fer serman lo li menm: Mon pou anvoy en kantite zonm dan Babilonn, parey en lesen sotrel e zot ava sant sanson laviktwar lo ou.

Lamantasyon 2:5

SENYER in azir parey en lennmi. I'n detri Izrael, i'n detri son bann pale. I'n kraz son bann miray proteksyon. I'n ogmant latristes ek maler partou dan Zida.

Ezekyel 24:21

Dir pep Izrael: La sa ki Senyer BONDYE i deklare: Mon pou profann mon sanktyer ki fer lafyerte ou lafors, ki donn ou plezir e satisfer dezir ou leker. Ou bann garson ek ou bann fiy ki ou'n kit deryer pou ganny masakre.

Oze 11:6

Lepe lager pou balye zot bann lavil. I pou detri tou son bann defans, i pou devor tou, akoz zot move proze.

Levitik 26:11

Mon pou vin reste parmi zot; mon pa pou abandonn zot.

Levitik 26:30

Mon pou detri zot bann landrwa sakre e fer disparet zot bann lotel lansan. Mon pou met zot kadav an ta lo kadav zot bann zidol. Mon pou annan degou pour zot.

Amos 3:10

SENYER i deklare: Bann zabitan Samari pa konn viv dan en fason onnet; zot ranpli zot pale avek vyolans ek bann lobze vole.

Amos 3:11

Pour sa rezon, la sa ki Senyer BONDYE i deklare: En lennmi pou anserkle pei. I pou detri ou bann fortifikasyon e depouy ou bann pale.

Amos 4:2

Senyer BONDYE in fer sa serman: Par mon sentete, sa zour pe vini kan zot pou ganny trennen parey pwason ki'n pri dan lanmson.

Amos 5:21

Mon deteste zot bann pelrinaz; Mon pa siport zot bann rasanbleman. Mon nepli kapab siport zot bann rasanbleman.

Amos 8:3

Senyer BONDYE i deklare: Sa zour, bann sanson dan pale, pou vin kantik dey. Pou annan en kantite lanmor. Bann kadav pou ganny zete partou. Partou pou silans.

Amos 8:7

SENYER in fer sa serman par Zakob: Mon pa pou zanmen oubliy zot bann aksyon.

Zakari 11:8

Apre zis en mwan, mon ti sas sa trwa berze. Apre, mon ti perdi pasyans avek bann mouton. Zot osi, zot ti deteste mwan.

Deterononm 32:19

SENYER ti war sa e i ti vekse. I ti rezet son bann garson ek son bann fiy.