Amos 6:4 - Labib An Kreol Seselwa

⁴ Zot pe dormi lo bann lili dekore avek livwar; zot alonze lo bann sofa pour manz bon lavyann mouton sorti dan troupo, ek lavyann zenn toro sorti dan letab.

Amos 6:4 ပူးပေါင်းရင်းမြစ်များ

Zenez 37:25

Answit, zot ti asize pour manze. Zot ti war en karavann bann Ismaelit sorti Galaad, zot bann samo ti pe anmenn parfen, lagonm ek lamir, ki zot ti pe anmenn Lezip.

Ester 1:6

Ti annan bann rido latwal koton kouler blan ek ble, atase avek bann kordon an linenn blan e vyolet, ki'n pas dan bann bag annarzan, fikse avek bann kolonn an marb. Ti annan osi bann divan annor e annarzan lo en pave mozaik an marb, nak ek marb nwanr.

Psonm 73:7

Zot lizye i boufi avek lagres; zot leker i deborde avek mesanste.

Ezai 22:13

Me zot in viv dan lazwa ek plezir: Zot ti touy bef, egorz mouton, manz lavyann e bwar diven. Zot dir: Annou manze, annou bwar akoz demen nou pou mor.

Ezai 28:1

Maler lo bann soular dan pei Efraim, lavil dan laform en kouronn! I ganny byen dekore lo sa kolin ki domin son vale fertil. Me son labote i parey bann fler sek ki orn latet bann ki'n gonfle avek manze gra, ki'n soule avek diven.

Zeremi 16:8

Pa osi antre dan en lakaz kot dimoun pe fete. Pa asiz avek zot pour ou manze e bwar.

Ezekyel 16:49

La fot ou ser, Sodonm ek son bann fiy: Zot ti annan lafyerte, zot ti kontan manz bokou, zot pa ti pran okenn traka, zot pa ti fer nanryen pour ed bann pov, ni bann malere.

Ezekyel 23:41

Apre, zot in enstal zot lo en gro sofa e dres en latab devan. Zot in pran tou mon lansan ek mon delwil lesans e plas ansanm lo la.

Amos 3:12

La sa ki SENYER i deklare: Parey en berze i aras dan lagel en lyon de lapat oubyen zis en bout zorey en mouton, konmsa menm, ki pep Izrael ki viv dan Samari, pou ganny sove, pandan ki i akroupi dan zot sofa, oubyen lo zot kousen dan lili.

Amos 8:3

Senyer BONDYE i deklare: Sa zour, bann sanson dan pale, pou vin kantik dey. Pou annan en kantite lanmor. Bann kadav pou ganny zete partou. Partou pou silans.

Mise 6:12

Ou bann ris i ranpli avek vyolans. Ou bann zabitan, zot bann manter. Dan zot labous, i sorti zis parol tronpri.

Levanzil dapre Lik 16:19

“En fwa, ti annan en zonm ris ki ti touzour abiy dan bann zoli lenz ser, fer avek pli zoli latwal linenn fen. I ti pe fer lafet tou le zour.

Let Zak 5:5

Zot in viv lo later dan liks e dan plezir. Zot in vin gra parey zannimo pour sa zour labatwar.