Amos 6:3 - Labib An Kreol Seselwa

³ Ou krwar ou kapab fer rekile sa zour maler; me ou pe zis apel renny lavyolans.

Amos 6:3 ပူးပေါင်းရင်းမြစ်များ

Psonm 94:20

Ki mannyer zot kapab konplis avek sa bann ziz kriminel ki servi lalwa pour kree lanmizer?

Eklezyas 8:11

Nou tarde pour kondann en move aksyon, akoz leker imen i ranpli avek move lentansyon.

Ezai 47:7

Ou'n dir: Mon pou reste larenn pour touzour. Ou pa'n reflesir lo tousala; ou pa'n mazin son rezilta.

Ezai 56:12

Zot dir: Vini! Annou al rod diven. Annou soul nou avek labwason for. Demen pou parey ozordi; bwar pa pou manke.

Lamantasyon 4:5

Bann ki ti abitye manz bon manze pe mor lafen dan semen. Bann ki ti grandi dan lopilans pe fouy dan salte pour ganny en morso manze.

Ezekyel 12:22

Ou ki en imen, ki sa proverb ki pe sirkile dan pei Izrael? Zot pe dir: Letan in pase, okenn vizyon pa'n realize.

Ezekyel 12:27

Ou ki en imen, ekout sa ki pep Izrael i dir: Vizyon ki ou gannyen pou pran bokou letan pour realize; sa bann profesi i pour en lepok bokou plitar.

Ezekyel 23:42

Ti annan tapaz selebrasyon en lafoul ensousyan, bann zonm soular tou kalite. Zot ti'n vini sorti dan dezer; zot ti met brasle lo lebra sa de fanm ek zoli kouronn lo latet.

Amos 3:10

SENYER i deklare: Bann zabitan Samari pa konn viv dan en fason onnet; zot ranpli zot pale avek vyolans ek bann lobze vole.

Amos 3:9

Al anons dan bann pale Asdod e dan bann pale Lezip: Rasanble zot lo bann montanny Samari, zot ava war bann gran dezord ek vyolans ki pe ganny komet se li.

Amos 5:12

Mon konnen kantite pese ki zot in fer e tou sa kantite krim ki zot in komet. Zot persekit bann inosan; zot anpes bann pov rod zot drwa devan ziz.

Amos 5:18

Maler pour zot ki pe esper avek lenpasyans sa zour SENYER! Pour ki rezon zot pe esper sa zour SENYER? I pou en zour teneb, non pa en zour lalimyer.

Amos 6:12

Eski en seval i galope lo ros? Eski en dimoun i kiltiv lanmer avek son bef? Zot in sanz ladrwatir pour fer li vin en pwazon e fer lazistis vin en keksoz anmer.

Amos 9:10

Bann peser parmi mon pep pou ganny masakre. Menm sa bann ki dir: Maler pa pou ariv kot nou.

Mise 6:12

Ou bann ris i ranpli avek vyolans. Ou bann zabitan, zot bann manter. Dan zot labous, i sorti zis parol tronpri.

Matye 24:48

Me si sa serviter i move, i pou dir dan li menm: Mon met i tarde pour retournen;

1 Tesalonisyen 5:3

Kan dimoun ava pe dir: Tou i anpe e an sekirite, alor en sel kou, destriksyon pou tonm lo zot, parey douler lakousman ki sezi en fanm ansent, e personn pa pou sape.

2 Pyer 3:4

Zot pou dir: Oli sa enn ki'n promet ki i pou retournen? Depi ki nou bann zanset in mor, tou i reste parey ti ete o konmansman, depi kreasyon lemonn.

Revelasyon 18:17

Dan en erdtan in fini perdi tou sa larises! Tou bann kaptenn bato ek pasaze, tou maren ek tou bann ki travay lo lanmer, ti debout lwen.