Amos 6:13 - Labib An Kreol Seselwa

¹³ Zot selebre akoz zot laviktwar lo lavil Lodabar, savedir: Pa vo nanryen. Zot dir: Nou ase for pour pran Karnaim, lavil ki reprezant lafors.

Amos 6:13 ပူးပေါင်းရင်းမြစ်များ

2 Rwa 13:25

Yoas, garson Yoakaz, ti repran bann lavil avek Benn-Hadad, garson Azael, ki son papa, Yoakaz ti'n gannyen dan lager. Zoas ti bat li trwa fwa e repran bann lavil Izrael.

2 Rwa 14:25

I ti retabli bann frontyer Izrael depi lantre Amat ziska lanmer Araba, dapre parol SENYER, Bondye Izrael, ki i ti dir par lentermedyer son profet Zonas, garson Amitai, profet Gat-Hefer.

Liv Zob 31:25

si mon lazwa in sorti dan mon gran larises, oubyen dan bann kantite lobze ki mon'n gannyen par travay;

Liv Zob 31:29

Si mon'n kontan maler mon lennmi, oubyen pran plezir ler in tonm dan maler,

Liv Zob 8:14

Son lasirans i disparet; i pe anpandan avek en lakaz bib.

Liv Zob 8:15

I pe apiy kont son lakaz; sa pa pou tenir. I ava kranponn avek li, me i pou tonbe.

Psonm 2:2

Bann lerwa lo later, zot pran zot pozisyon; bann dirizan, zot fer konplo ant zot kont SENYER ek sa enn ki i'n swazir. Zot dir:

Psonm 75:4

Mon dir avek bann arogan: Pa fer vantar. Avek bann malfeter: Pa vant zot lekor.

Psonm 75:5

Ase fer vantar, ase koz avek larogans.

Eklezyas 11:9

Ou ki ankor zenn, profit byen bann lannen ou lazenes. Viv ere pandan ki ou ankor zenn. Fer tou sa ki ou kontan, e tou sa ki donn ou plezir. Me ou bezwen konnen ki Bondye pou ziz tou ou bann aksyon.

Ezai 7:1

Lepok ki Akaz, garson Yotanm, garson Ozyas, ti lerwa Zida, Rezin, lerwa Siri e Peka, garson Remalia, lerwa Izrael, ti ale pour atak Zerizalenm. Me zot pa ti kapab mont en latak kont li.

Ezai 7:4

Ou ava dir li: Fer atansyon! Reste kalm! Pa bezwen per. Pa les lakoler sa de zans dekouraz ou. Zot zis de tizon kot lafimen i ankor pe sorti.

Ezai 8:6

Akoz pep Zida in refiz delo Siloe ki koul dousman e ki zot fonn avek lafreyer devan Resin e devan garson Remalia,

Zeremi 50:11

Pep Babilonn! Ou kontan, ou dan lazwa. Ou'n pran tou sa ki pour mwan. Ou pe sote parey en zenis dan laplenn; ou kriye parey en seval.

Zeremi 9:23

La sa ki SENYER i deklare: En dimoun saz pa devre vant son lasazes. Sa enn ki for pa devre vant son lafors. Sa enn ki ris pa devre fer vantar avek son larises.

Ezekyel 29:3

Dir li: La sa ki Senyer BONDYE i deklare: Mon kont ou, Faraon, lerwa Lezip. Ou parey sa gran krokodil ki dormi dan milye larivyer. I dir: Sa i mon Nil, mon larivyer, mon'n fer li pour mwan.

Ezekyel 29:9

Lezip pou vin en pei devaste, en dezer. A lor, zot ava konnen ki mwan menm SENYER. Akoz ou pe dir: Larivyer Nil i pour mwan, mwan ki'n fer li.

Danyel 4:27

Mazeste! Aksepte mon konsey: Ranplas ou bann pese par lazistis e ou bann fot par konpasyon anver bann pov. Petet sa ava prolonz ou trankilite.”

Danyel 4:30

I ti dir: La sa gran Babilonn ki mon'n konstri pour mon rezidans! Mon'n fer li par mon lafors, par mon pwisans, pour mon loner e mon laglwar!

Zonas 4:6

SENYER Bondye ti fer en plant pouse. Sa plant ti pous par lao Zonas e donn li lonbraz pour soulaz li. Alor, Zonas ti byen kontan.

Sofoni 3:11

Sa zour, ou pou nepli onte akoz ou bann move aksyon ki ti fer ou revolte kont mwan. Mon pou fer disparet parmi zot, tou bann ki fyer e arogan. Ou ava arete montre ou lorgey lo mon montanny sen.

Zakari 1:19

Mon ti demann sa lanz ki ti'n koz avek mwan, “Ki savedir sa bann korn?” I ti reponn mwan, “Sa bann korn i reprezant bann nasyon pwisan ki ti dispers Zida, Izrael ek Zerizalenm.”

Levanzil dapre Zan 16:20

Mon dir zot, sa i laverite: Zot pou plere e lamante, me lemonn pou kontan. Zot pou tris, me zot tristes pou sanz an lazwa.

Let Zak 4:16

Me ou, ki ou fer? Ou fer vantar! Sa kalite vantar i move.

Revelasyon 11:10

Bann zabitan later pou dan kontantman akoz zot lanmor. Zot pou fete e anvoy kado pour kanmarad, akoz sa de profet ti en tourman pour bann zabitan later.

Ziz 9:27

Zot ti al dan lakanpanny pour rekolte zot rezen ki zot ti kraze pour fer diven e apre, fer lafet. Zot ti al dan tanp zot bondye kot zot ti manze e bwar; apre, zot ti modi Abimelek.

1 Samyel 4:5

Kan Kof lalyans SENYER ti antre dan kan, pep Izrael antye ti dan lazwa e zot ti lans en gran laklamasyon; later ti tranble.