Amos 6:1 - Labib An Kreol Seselwa

¹ Maler lo zot ki viv trankilman dan Siyon, e ki krwar zot an sekirite dan montanny Samari! Zot bann elit parmi bann nasyon, ver ki bann Izraelit i tournen!

Amos 6:1 ပူးပေါင်းရင်းမြစ်များ

1 Rwa 16:24

I ti aste montanny Samari pour 6,000 pyes larzan avek Semer. I ti konstri en lavil fortifye ki i ti apel Samari, dapre non Semer, ki ti propriyeter sa montanny.

Psonm 123:4

Nou'n rasazye avek lensilt bann ensolan, avek lensolans ek imilyasyon bann arogan.

Proverb 1:32

Annefe, bann fou pou disparet, akoz zot rezet lasazes. Bann fou i disparet par zot prop lensousyans.

Ezai 33:14

Dan Siyon, bann ki koupab i dan lafreyer. Bann ki napa respe pour Bondye pe tranble: Lekel parmi nou ki kapab reste obor en dife ki devore? Lekel parmi nou ki kapab reste pre avek laflanm eternel?

Zeremi 2:3

Izrael! Dan sa letan, ou ti zis pour mwan. Ou ti sakre pour mwan, parey premye prodwi mon rekolt. Sa enn ki ti rod zafer avek ou, mon ti fer li soufer; maler ti tonm lo li. SENYER ki deklare.

Zeremi 48:11

Depi son zenes, Moab in touzour viv trankilman. Zanmen in ganny anvoye annegzil. Moab i parey diven ki son lanmar in poze. Zanmen in ganny vide dan diferan resipyan. I pa'n zanmen perdi son parfen. In gard son bon gou.

Zeremi 49:31

Leve! Al atak sa nasyon ki krwar i an sekirite. Son lavil napa okenn baro ni kadnan pour protez zot. Zot tousel.

Zeremi 5:5

Mon pou al war bann sef e mon pou koz avek zot. San okenn dout, zot konn lavolonte SENYER, sa ki Bondye i demann zot fer. Me, zot tou, zot parey: Zot in revolte kont lotorite Bondye, e refize obeir li.

Zeremi 7:4

Aret krwar dan sa bann fo parol ki zot dir: Sa i tanp SENYER, sa i tanp SENYER, sa i tanp SENYER.

Lamantasyon 1:1

Otrefwa, Zerizalenm ti en lavil byen peple. Ozordi i en lavil abandonnen. Otrefwa, Zerizalenm ti enn parmi bann gran nasyon. Ozordi i parey en vev. Otrefwa, Zerizalenm ti parey en prenses parmi bann provens. Ozordi in vin en lesklav.

Amos 3:2

Parmi tou bann nasyon ki peple later, ou ki mon'n swazir. Pour sa rezon, mon pou fer ou rann kont tou ou bann krim.

Amos 3:9

Al anons dan bann pale Asdod e dan bann pale Lezip: Rasanble zot lo bann montanny Samari, zot ava war bann gran dezord ek vyolans ki pe ganny komet se li.

Amos 4:1

Bann fanm dan montanny Samari, ki gra parey bann vas Basann, ekout sa parol: Zot ki maltret dimoun ki feb, ki kraz bann pov, e ki dir zot mari anmenn keksoz pour bwar,

Amos 5:27

mon pou anvoy zot annegzil lo lot kote Damas. Mwan, SENYER, Bondye liniver ki deklare: Sa i mon non.

Amos 8:14

Serten pou fer serman lo non bann fo bondye Samari. Zot pou dir: Par lavi bondye Dann! Par semen sakre ki al Berseba! Zot pou tonbe e pa pou zanmen releve.

Amos 9:10

Bann peser parmi mon pep pou ganny masakre. Menm sa bann ki dir: Maler pa pou ariv kot nou.

Mise 3:1

Mon ti dir: Ekoute! Zot bann sef dan fanmir Zakob, bann ziz dan fanmir Izrael! Pa zot devre konnen kisisa lazistis?

Sofoni 1:12

Dan sa lepok, mon pou pran en lalanp; mon pou fouy dan Zerizalenm. Mon pou pran aksyon kont bann zonm ki viv trankilman e ki les lanmar poze parey dan en fon boutey. Zot dir: SENYER pa fer ni sa ki byen, ni sa ki mal.

Let Zak 1:18

Par son prop volonte, i'n donn nou lavi par sa Parol ki laverite. Konmsa, nou ava vin koman bann premye fri son bann kreatir.

Let Zak 5:5

Zot in viv lo later dan liks e dan plezir. Zot in vin gra parey zannimo pour sa zour labatwar.

1 Pyer 5:7

Desarz tou zot traka lo li, akoz i pran swen avek zot.

Ziz 18:7

Sa senk zonm ti ale; zot ti ariv Lais. Zot ti war ki popilasyon ki ti pe reste la, ti pe viv an sekirite parey bann zabitan Sidon, dan trankilite ek konfyans. Dan sa pei, ti napa okenn vwazen zennan, oubyen dominer. Zot ti viv lwen avek bann Sidonit e zot ti napa relasyon avek personn.