Amos 5:8 - Labib An Kreol Seselwa

⁸ SENYER ki ti kree bann zetwal: Pleyad ek Orion. SENYER i sanz lannwit e fer li vin lizour e lizour vin lannwit. I apel delo lanmer e devers li lo later. SENYER i son non.

Amos 5:8 ပူးပေါင်းရင်းမြစ်များ

Liv Zob 12:22

I revel sa ki dan profonder later, e met okler sa ki dan teneb.

Liv Zob 37:13

I anvoy lapli lo later, swa pour aroze, swa pour pini, ouswa pour montre son bonte.

Liv Zob 38:34

Eski ou kapab donn lord bann nyaz pour fer gro lapli tonbe e kouver ou?

Liv Zob 9:9

I ti plas bann konstelasyon dan lesyel: Gran Lours, Orion, Pleyad, e bann zetwal ki dan Sid.

Psonm 104:20

Ou anvoy fernwanr e lannwit i tonbe; i ler pour bann zannimo lafore sorti.

Psonm 105:28

Bondye ti fer teneb vini e fernwanr ti tonm partou. Personn pa ti opoz son parol.

Ezai 42:16

Mon pou kondwir bann aveg lo en semen ki zot pa konnen. Mon pou gid zot lo bann santye ki zot pa'n konnen. Devan zot, mon pou fer fernwanr vin lalimyer, bann semen abos pou vin en laplenn nivo. Mon pou fer tousala; mon pa pou abandonn zot.

Ezai 59:10

Nou marse parey en aveg tou dilon en miray; nou pe tatonnen parey dimoun ki pa war kler; nou ganny konnyen lizour koman aswar; Nou an bonn sante, me nou parey dimoun mor.

Zeremi 16:21

Pour sa rezon, mon pou fer sa bann nasyon konn mon pouvwar ek mon pwisans. Konmsa, zot ava konnen ki mon non i SENYER.

Zeremi 33:2

La sa ki SENYER ki'n kree later, ki'n donn li son laform e ki'n met li dan son plas, li menm ki son non i SENYER, i deklare:

Amos 4:13

Bondye i sa enn ki form bann montanny e kree divan. I revel son bann plan avek bann imen. I fer lizour vin lannwit. I mars lo bann oter. Son non: SENYER, Bondye liniver.

Amos 8:9

La sa ki Senyer BONDYE i deklare: Sa zour la, mon pou fer soley kouse midi, e lannwit pou vin lizour lo later.

Amos 9:6

Bondye in etabli son demer dan lesyel e kouver later avek en twa. I tir delo dan lanmer pour devers li lo later. SENYER i son non.

Matye 4:16

Lepep ki ti pe asiz dan fernwanr, in war en gran lalimyer. Pour bann ki ti pe asiz dan pei, dan fernwanr lanmor, en lalimyer in leve parmi zot!

Levanzil dapre Lik 1:79

I pou ekler tou dimoun ki reste dan fernwanr e dan lonbraz lanmor. I pou diriz nou lepa lo semen lape.