Amos 5:6 - Labib An Kreol Seselwa

⁶ Swiv SENYER e ou ava viv. Parey en dife, SENYER pou bril desandan Zozef. I pou devor Betel, san ki personn i kapab tenny li.

Amos 5:6 ပူးပေါင်းရင်းမြစ်များ

2 Samyel 19:20

Mon rekonnet, mon'n pese. Ozordi, mwan menm premye dan fanmir Zozef pour vin zwenn ou, mon senyer, lerwa.”

1 Rwa 11:28

Zeroboanm ti en zennonm kapab, e ler Salomon ti remark son kapasite, i ti met li ansarz tou travay latas dan tribi Zozef.

2 Kronik 34:25

Akoz zot in abandonn mwan e zot in ofer lansan devan lezot bondye, zot in fer monte mon lakoler par zot bann aksyon. Alor, mon lakoler pou tonm lo sa lavil e i pa pou kalme.

Psonm 27:8

Mon mazin sa ki ou'n dir: Rod SENYER. Alor SENYER! Mon pe tourn ver ou.

Psonm 69:33

Annefe, SENYER i ekout dimoun ki dan bezwen. I pa rezet son bann fidel ki dan prizon.

Egzod 22:6

Si en dife i pran e i fannen dan brousay; si i bril dible ki'n deza koupe oubyen ki pa ankor koupe, oubyen plantasyon antye, sa enn ki ti konmans sa dife ava pey en domaz.

Ezai 1:31

Bann zonm for pou vin parey lapay; zot bann aksyon parey zekli dife, san ki personn ava kapab tennyen. Tou le de, zot pou bril ansanm. Personn pa pou kapab tenny zot.

Ezai 55:3

Met ou zorey apik! Vin kot mwan; Ekoute e ou ava viv! Mon pou fer avek ou en lalyans eternel; mon fidelite pour David i asire.

Ezai 55:6

Rod SENYER letan zot ankor kapab trouv li, apel li letan i lanmenm pros.

Zeremi 38:20

Zeremi ti reponn, “Non, ou pa pou ganny livre avek ou bann prop zanmi. Mon demann ou ekout sa ki mon pe dir ou e ki sorti kot SENYER. Si ou ekout mwan, tou pou al byen e ou ava reste vivan.

Zeremi 4:4

Zot ki viv dan Zida e zot bann zabitan Zerizalenm, sirkonsi zot pour SENYER. Sirkonsi zot leker pour li. Sankwa, akoz pese ki zot in komet, mon lakoler pou tonm lo zot, e bril zot parey en dife ki pou devaste tou san ki i annan personn pour tennyen.

Zeremi 7:20

Alor, mwan Senyer BONDYE, mon pou les mon gran lakoler deborde lo sa lavil. Mon pou devers mon lakoler lo dimoun ek zannimo, lo bann pye dibwa ek bann rekolt. Mon lakoler pour brile parey en dife ki personn pa pou kapab tennyen.

Ezekyel 21:3

Dir bann Izraelit: La sa ki SENYER i deklare: Mon pou pran aksyon kont ou. Mon pou servi mon lepe pour detri tou dimoun, bon koman move.

Ezekyel 33:11

Osi vre ki mwan Senyer BONDYE, mon vivan, mon pa anvi ki en peser i mor, me sa ki mon anvi war, se ki i sanz son move konportman e ki i viv. Pep Izrael! Sanze, sanz ou move lavi. Pour ki rezon ou devre mor?

Ezekyel 37:19

ou ava dir zot: La sa ki Senyer BONDYE i deklare: La mon pe al pran baton Zozef ki dan lanmen Efraim ek bann tribi Izrael ki asosye avek li. Mon pou koste baton Zida avek li pour form en sel morso dibwa. Zot in zwenn ansanm dan mon lanmen.

Amos 3:14

Zour mon pou pini pep Izrael pour son bann krim, mon pou detri tou bann lotel ki dan Betel. Tou bann kwen lotel pou ganny kase e pou tonm ater.

Amos 5:14

Touzour fer dibyen, non pa dimal. Konmsa, SENYER Bondye liniver ava avek zot parey zot dir.

Amos 5:4

La sa ki SENYER i deklare avek pep Izrael: Swiv mwan, ou ava viv.

Amos 6:6

Zot bwar diven dan bann gran lakoup; zot parfim zot lekor avek bann pli bon lesans. Me zot pa montre lapenn pour dezas ki menas Izrael.

Sofoni 2:3

Rod SENYER! Zot tou bann dimoun senp dan pei, bann ki azir avek drwatir. Rod lazistis ek limilite! Petet, zot ava ganny proteze, zour lakoler SENYER.

Zakari 10:6

Mon pou donn pep Zida ki'n plis kouraz e mon pou sov pep Izrael. Mon pou fer zot retournen, akoz mon annan konpasyon pour zot. Zot ava konmsi zanmen mon'n rezet zot. Mwan menm SENYER zot Bondye e mon pou egzos zot.

Deterononm 32:22

Annefe, en dife in ganny alimen par mon lakoler ki pe brile ziska dan fon lemonn lanmor. I devor later ek tou sa ki i prodwir. I bril ziska fondasyon bann montanny.

Deterononm 4:24

Rapel byen ki SENYER, ou Bondye i en dife ki devor tou. I en Bondye zalou.

Zozye 18:5

Zot ava diviz pei an set teritwar; tribi Zida ava reste dan son teritwar dan Sid, e bann desandan Zozef, dan zot teritwar, dan Nor.