Amos 5:5 - Labib An Kreol Seselwa

⁵ Pa bezwen mont Betel. Pa al rod mwan Gilgal. Pa bezwen travers Berseba, akoz bann zabitan Gilgal pou al annegzil e Betel pou ganny detri.

Amos 5:5 ပူးပေါင်းရင်းမြစ်များ

Zenez 21:31

Pour sa rezon, sa landrwa ti ganny apele Berseba: Pwi Serman.

Zenez 21:33

Abrahanm ti plant en pye dibwa la Berseba, pour mark sa landrwa akoz la, i ti envok non SENYER, Bondye eternel.

Zenez 26:23

Izaak ti kit sa landrwa e i ti mont Berseba.

Zenez 26:33

Izaak ti apel sa pwi Siba: Serman. Pour sa rezon, ziska ozordi, sa lavil in ganny apele Berseba.

1 Rwa 12:28

Apre ki lerwa ti'n pran konsey, i ti fer stati de zenn bef annor. I ti dir lepep, “Zot in ase mont Zerizalenm. Pep Izrael! La zot bondye ki'n fer zot sorti Lezip.”

1 Rwa 12:29

I ti plas enn Betel e lot Dann.

2 Rwa 23:8

I ti fer vin tou bann pret sorti dan bann lavil Zida, e rann enpir bann landrwa sakre kot bann pret ti bril lansan, depi Geba ziska Berseba; i ti detri tou bann landrwa sakre kot bann laport, ki ti dan lantre laport Zozye, gouverner lavil, lo kote gos laport lavil.

Liv Zob 8:22

Ou bann lennmi pou ganny kouver avek laont; bann malfeter pou disparet.

Psonm 33:10

SENYER i kas plan bann nasyon; i anpes zot realiz zot bann proze.

Ezai 29:20

akoz bann diktater pou nepli egziste e bann dominer pou disparet. Tou bann ki pare pour fer sa ki mal pou ganny detri

Ezai 8:10

Pran konsey avek kanmarad; fer plan ansanm; i pa pou marse. Diskit lo zot plan; i pa pou reisi akoz Bondye, i avek nou.

Zeremi 48:13

Alor, parey pep Izrael ti kanmi akoz Betel, ki zot ti fer konfyans, bann zabitan Moab pou kanmi zot bondye Kemos.

Oze 10:8

Bann landrwa sakre Aven, la kot Izrael in fer pese, pou ganny detri. Rons ek pikan pou pous lo zot bann lotel. Zot pou dir avek montanny: Kouver nou! Avek kolin: Tonm lo nou!

Oze 12:11

Galaad in komet pese e i pou disparet. Dan Gilgal, zot ofer sakrifis toro, me son bann lotel i zis en ta ros dan transe plantasyon.

Oze 4:15

Izrael, ou'n tonm dan prostitisyon, pourvi ki Zida pa tonm dan menm fot. Pa bezwen al Gilgal, pa mont Bet-Aven, e pa pronons en serman pour dir: Par SENYER ki vivan.

Oze 9:15

Tou zot move aksyon ti konmans depi Gilgal; la ki mon ti konmans deteste zot. Akoz zot move aksyon, mon pou sas zot se mwan. Mon pa pou kontinyen kontan zot; zot bann sef, zot tou, zot bann rebel.

Amos 1:5

Mon pou fer sote laport Damas, e mon pou detri bann zabitan dan vale Aven, ensi ki lerwa ki renny dan vale Edenn; mon pou deport pep Siriyen dan rezyon Kir. SENYER ki deklare. Kont bann Filisten

Amos 3:14

Zour mon pou pini pep Izrael pour son bann krim, mon pou detri tou bann lotel ki dan Betel. Tou bann kwen lotel pou ganny kase e pou tonm ater.

Amos 4:4

Zabitan Izrael! Al Betel e kontinyen revolte kont mwan. Kontinyen revolte dan Gilgal! Ofer zot bann sakrifis tou le bomaten, e lo trwazyenm zour, anmenn zot bann ladim.

Amos 7:10

Amasya ki ti pret dan lavil Betel, ti anvoy en rapor kot Zeroboanm, lerwa Izrael, pour dir: Amos pe fer konplo kont ou dan rwayonm Izrael. Son bann parol pou detri pei.

Amos 7:13

Aret fer profet isi Betel. Isi i sanktyer lerwa, tanp rwayal.”

Amos 7:17

Alor, la sa ki SENYER i deklare: Ou fanm pou vin en prostitye dan lavil; ou bann zanfan pou mor dan lager; ou later pou ganny arpante e partaze. Ou menm, ou pou mor dan en pei etranze e pep Izrael pou ganny deporte lwen avek zot pei.”

Amos 7:9

Mon pou detri bann landrwa sakre desandan Izaak. Bann sanktyer Izrael pou ganny demoli. Mon pou servi lepe kont lafanmir rwayal Zeroboanm.”

Amos 8:14

Serten pou fer serman lo non bann fo bondye Samari. Zot pou dir: Par lavi bondye Dann! Par semen sakre ki al Berseba! Zot pou tonbe e pa pou zanmen releve.

1 Korentyen 1:28

Bondye in swazir bann keksoz ki pa enportan dan lemonn, keksoz ki zot meprize, keksoz nanryen ditou, pour fer kanmi sa enn ki krwar i saz.

1 Korentyen 2:6

Pourtan, nou anons en mesaz lasazes parmi bann kretyen adilt; non pa lasazes sa lemonn, ni lasazes bann dirizan sa lepok ki pou ganny detri.

Deterononm 28:41

Ou pou ganny bann garson ek bann fiy, me zot pa pou reste avek ou, akoz zot pou ganny anmennen annegzil.

Zozye 5:9

SENYER ti dir Zozye, “Ozordi mon'n roul dezoner Lezip, lwen avek zot.” Pour sa rezon, sa landrwa in ganny apele Gilgal, ziska ozordi.

Revelasyon 18:17

Dan en erdtan in fini perdi tou sa larises! Tou bann kaptenn bato ek pasaze, tou maren ek tou bann ki travay lo lanmer, ti debout lwen.

1 Samyel 11:14

Samyel ti dir lepep: Annou mont Gilgal pour konfirm Sail koman lerwa.

1 Samyel 7:16

Toulezan, i ti fer en tournen Betel, Gilgal ek Mispa e i ti ziz pep Izrael dan tou sa bann landrwa.

1 Samyel 8:2

Son premye garson ti apel Zoel e dezyenm ti apel Abiya. Zot ti ziz dan lavil Berseba.