Amos 5:4 - Labib An Kreol Seselwa

⁴ La sa ki SENYER i deklare avek pep Izrael: Swiv mwan, ou ava viv.

Amos 5:4 ပူးပေါင်းရင်းမြစ်များ

2 Rwa 20:3

“Pitye SENYER! Mon sipliy ou, rapel koman mon ti swiv ou e mars devan ou avek fidelite e avek tou mon leker pour fer sa ki fer ou plezir.” Ezekyas ti pler en kantite.

1 Kronik 28:9

Kanta ou, mon garson Salomon, konn Bondye ou papa. Servi li avek tou ou lespri e avek tou ou leker; akoz SENYER i konsider sak lentelizans e i konn tou proze e tou sa ki ou mazinen. Si ou rod li, ou pou trouv li; me si ou oubliy li, i pou abandonn ou pour touzour.

2 Kronik 15:2

I ti al kot lerwa Asa pour dir li: Asa ek tou pep Zida ek Benzamen! Ekout mwan byen. SENYER i avek zot osi lontan ki zot avek li. Si zot rod li, zot ava trouv li, si zot abandonn li, li osi pou abandonn zot.

2 Kronik 20:3

Zozafat ti per. I ti deside pour konsilte SENYER e donn lord pour fer en zenn partou dan pei Zida antye.

2 Kronik 20:4

Bann Zideen sorti dan tou kote, ti rasanble dan Zerizalenm pour demann led SENYER.

2 Kronik 34:3

Dan wityenm lannen renny Zosyas, alor ki i ti ankor en zenn garson, i ti konmans aprann lavolonte Bondye parey David, son zanset. Dan douzyenm lannen son renny, i ti konmans debaras Zerizalenm ek rwayonm Zida avek bann landrwa sakre, bann poto sakre ek tou bann stati an bwa e an metal.

Psonm 14:2

Lao dan lesyel, SENYER i get zabitan later pour li war si i annan dimoun ki konpran e ki vin rod Bondye.

Psonm 22:26

Bann pov ava kapab manze ziska zot rasazye. Dimoun ki rod SENYER pou loue li. Zot ava viv pour touzour!

Psonm 27:8

Mon mazin sa ki ou'n dir: Rod SENYER. Alor SENYER! Mon pe tourn ver ou.

Psonm 69:32

Ler zot ava war sa, bann ki'n ganny imilye ava dan lazwa. Sa bann ki rod Bondye ava repran kouraz.

Psonm 69:33

Annefe, SENYER i ekout dimoun ki dan bezwen. I pa rezet son bann fidel ki dan prizon.

Ezai 31:1

Maler pour sa bann ki desann Lezip pour rod led! Zot kont lo bann seval; zot met zot konfyans dan bann kales lager akoz i annan en kantite e dan bann kavalye, akoz zot tre for. Me zot pa lev lizye ver Bondye Sen Izrael ni konsilte SENYER!

Ezai 55:3

Met ou zorey apik! Vin kot mwan; Ekoute e ou ava viv! Mon pou fer avek ou en lalyans eternel; mon fidelite pour David i asire.

Zeremi 38:20

Zeremi ti reponn, “Non, ou pa pou ganny livre avek ou bann prop zanmi. Mon demann ou ekout sa ki mon pe dir ou e ki sorti kot SENYER. Si ou ekout mwan, tou pou al byen e ou ava reste vivan.

Ezekyel 18:9

I obei mon lalwa e swiv mon bann regleman avek fidelite. Sa i en zonm zis e i pou viv. Senyer BONDYE ki'n deklare.

Oze 10:12

Senm lazistis e ou ava rekolte fidelite. Defris en nouvo plantasyon: Letan in arive pour ou tourn ver SENYER, pour mwan vin devers lazistis lo ou.

Amos 5:6

Swiv SENYER e ou ava viv. Parey en dife, SENYER pou bril desandan Zozef. I pou devor Betel, san ki personn i kapab tenny li.

Sofoni 2:3

Rod SENYER! Zot tou bann dimoun senp dan pei, bann ki azir avek drwatir. Rod lazistis ek limilite! Petet, zot ava ganny proteze, zour lakoler SENYER.

Matye 7:8

Annefe, sa enn ki demande, i resevwar. Sa enn ki rode, i trouve. Laport i ouver pour sa enn ki frape.

Deterononm 32:46

i ti dir zot: Reflesi lo tou sa bann parol ki mon pe donnen an temwannyaz kont zot ozordi; ordonn ou bann zanfan pour gard zot, pour ki zot ava byen met an pratik tou bann parol sa lalwa.

Deterononm 32:47

Annefe, sa pa bann parol vid, me i zot lavi; par sa bann parol, zot ava viv lontan dan pei ki zot pe al pran posesyon, apre ki zot ava'n travers larivyer Zourden.

Deterononm 4:29

Laba dan sa pei, ou pou rod SENYER, ou Bondye. Si ou rod li avek tou ou leker ek tou ou lespri, ou pou trouv li.