Amos 5:3 - Labib An Kreol Seselwa

³ Annefe, la sa ki Senyer BONDYE i deklare: En lavil ki anvoy 1,000 zonm dan lager, zis 100 ki pou retournen. Lo 100 gerye ki al lager, zis 10 ki pou retournen, pour Izrael.

Amos 5:3 ပူးပေါင်းရင်းမြစ်များ

Psonm 144:14

Nou bann bef i plenn e napa okenn difikilte met ba. Nou pa antann okenn kriye dan landrwa piblik.

Ezai 1:9

Si SENYER liniver pa ti'n les detrwa sirvivan, nou ti ava'n pas parey lavil Sodonm, nou ti ava'n pas parey lavil Gomor.

Ezai 10:22

Annefe, menm si pep Izrael ti ava osi nonbre ki disab dan bor lanmer, zis en pti restan parmi zot ki pou retournen. Destriksyon in ganny deside; lazistis pou deborde parey en gran larivyer.

Ezai 6:13

Si i reste ankor en dizyenm zabitan, li osi, i pou ganny brile. Me, parey en pye dibwa ki son siko i reste ler in ganny koupe, en desandans sen pou bourzonnen, sorti dan sa siko.

Ezekyel 12:16

Me mon pou eparny en pe zonm parmi zot ki pou sape dan lager, lafanmin ek lepidemi, pour ki zot rakont partou dan pei kot zot ale, tou zot bann pratik degoutan ki zot in komet. Alor, bann zabitan ava konnen ki mwan menm SENYER.

Amos 6:9

Si i reste dis zonm dan en lakaz, tou pou mor.

Romen 9:27

Ezai ti predir o size pep Izrael: Menm si pep Izrael i vin nonbre koman gren disab lo bor lanmer, zis en pti restan ki pou ganny sove.

Deterononm 28:62

Otrefwa, ou ti en nasyon nonbre parey bann zetwal dan lesyel. Me akoz ou pa'n obei SENYER, ou Bondye, i pou reste zis en pti pwannyen zot.

Deterononm 28:63

SENYER ti kontan fer ou prospere e vin nonbre. Li menm SENYER pou kontan anmenn ou dan larin ek destriksyon; ou pou ganny derasinen dan sa pei ki ou pe al pran posesyon.

Deterononm 4:27

SENYER pou dispers zot parmi bann pep. Zis en pti kantite zot ki pou reste parmi bann nasyon kot SENYER ava fors zot ale.