Amos 5:24 - Labib An Kreol Seselwa

²⁴ Plito, fer lazistis koule parey delo, e ladrwatir parey en larivyer, ki pa zanmen sek!

Amos 5:24 ပူးပေါင်းရင်းမြစ်များ

Proverb 21:3

SENYER i prefer ladrwatir ek lazistis, plito ki bann sakrifis.

Ezai 48:18

Si selman ou ti'n ekout mon bann komannman! Alor, ou ti ava'n prospere parey en larivyer e ou bann reisit parey bann laroul dan lanmer.

Zeremi 22:3

Pratik lazistis e fer tou dapre ladrwatir. Delivre malere ki pe ganny vole. Pa bezwen eksplwat bann etranze, bann orfelen oubyen bann vev; pa servi vyolans e pa touy dimoun inosan dan sa landrwa.

Ezekyel 45:9

La sa ki Senyer BONDYE i deklare: Bann prens ki gouvern Izrael! Ase! Aret fer vyolans ek viktimizasyon. Respekte lalwa ek lazistis; aret vol bann byen ki pour mon pep, Senyer BONDYE i deklare.

Oze 6:6

Lanmour ki mon oule, pa sakrifis zannimo. Mon prefer konnesans Bondye, pa sakrifis konplet.

Amos 5:23

Ase fatig mon zorey avek zot bann kantik! Mon nepli anvi antann lanmizik zot laarp.

Amos 5:7

Pour zot, lalwa i anmer e zot trenn lazistis dan labou.

Mise 6:8

Ou ki en imen, SENYER in fer ou konnen sa ki byen. La sa ki SENYER i demann ou fer: Respekte lazistis, montre labonte, mars dan limilite avek ou Bondye.