Amos 5:20 - Labib An Kreol Seselwa

²⁰ Sa zour, SENYER pou anmenn fernwanr, non pa lalimyer. I pou en zour teneb, san okenn lalimyer.

Amos 5:20 ပူးပေါင်းရင်းမြစ်များ

Ezai 13:10

Annefe, bann zetwal ek zot bann konstelasyon pa pou donn okenn lalimyer. Soley leve pou sonm e lalin pa pou donn son laklerte.

Ezai 8:22

Apre, zot ava tourn zot latet ver later; me zot pou war zis detres, fernwanr ek langwas terib; zot pou ganny zete dan fernwanr epe.

Ezekyel 34:12

Parey en berze, ki pran swen son troupo ki'n disperse partou, mon pou rasanble tou mon troupo. Mon pou al rod zot partou la kot zot in disperse, dan sa zour movetan e gro fernwanr.

Zoel 2:2

En zour fernwanr ek brouyar, en zour avek nyaz epe ki kouver montanny. En gran larme zensek, nonbre e for, ki nou pa'n zanmen war, pe vini. Zanmen en keksoz parey in deza arive, e i pa pou zanmen ariv ankor dan lavenir.

Abdyas 1:15

Annefe, zour SENYER i pros, en zour terib pour tou bann nasyon. Ou pou ganny trete parey ou'n tret lezot. Ou bann move aksyon pou retonm lo ou latet.

Nahoum 1:8

menm kan en gro laroul i balye tou. I pou detri son bann ladverser. I pou pourswiv son bann lennmi dan fernwanr.

Sofoni 1:15

Sa zour pou en zour lakoler, en zour maler, en zour tourman ek destriksyon, en zour fernwanr, kouver avek nyaz epe.

Matye 22:13

Alor, lerwa ti dir avek bann serviter: Anmar son lipye ek son lanmen e zet li deor dan fernwanr, la kot zot pou plere e grens ledan.”

Matye 24:29

“Deswit apre sa letan ladetres, soley pou aret klere, lalin pou nepli donn son lalimyer, bann zetwal pou tonbe sorti dan lesyel e bann pwisans dan lesyel pou dekontrole.

Let Zid 1:13

Zot fann zot bann aksyon degoutan parey bann gro laroul lanmer ki pe kras zot lekim. Zot parey bann zetwal filan, e Bondye in rezerv en plas pour zot dan fernwanr, dan profonder labim.

Revelasyon 16:10

Senkyenm lanz ti devers son lakoup lo tronn sa bebet. Son rwayonm ti ganny anvlope dan fernwanr. Dimoun ti mord zot lalang avek douler.