Amos 5:18 - Labib An Kreol Seselwa

¹⁸ Maler pour zot ki pe esper avek lenpasyans sa zour SENYER! Pour ki rezon zot pe esper sa zour SENYER? I pou en zour teneb, non pa en zour lalimyer.

Amos 5:18 ပူးပေါင်းရင်းမြစ်များ

Ezai 13:6

Lamante! Akoz zour SENYER i pros. I pe vini parey en dezas ki'n ganny anvoye par Bondye pwisan.

Ezai 24:18

Sa enn ki esey sov laterer pou tonm dan lafos. Sa enn ki sorti dan lafos pou tonm dan latrap. Bann lafnet baraz lesyel in ouver e bann fondasyon later i tranble.

Ezai 5:19

Zot dir: Depese SENYER, akoz nou anvi war sa. Proze Bondye sen Izrael pa pou tarde pour ganny akonpli! Nou oule war sa arive.

Ezai 5:30

Sa zour, pou annan en gronnyman kont li, parey gronnyman lanmer. Si ou get lo kote later, ou pou war zis fernwanr ek detres. Bann gro nyaz pou maske lalimyer.

Ezai 58:2

Pourtan, tou le zour zot rod mwan; zot kontan pour konn semen ki mon oule zot swiv, konmsi zot ti en nasyon ki pratik lazistis e ki pa'n abandonn komannman zot Bondye. Zot demann mwan rann bann zizman ki zis, zot anvi retourn kot Bondye.

Ezai 8:22

Apre, zot ava tourn zot latet ver later; me zot pou war zis detres, fernwanr ek langwas terib; zot pou ganny zete dan fernwanr epe.

Ezai 9:19

Akoz lakoler SENYER liniver, pei in ganny brile; son prop pep in pran dife; personn pa pe pran pitye pour son prosen.

Zeremi 13:16

Rann glwar SENYER ou Bondye avan ki i anvoy fernwanr, avan ki ou tap ou lipye kont en ros dan montanny. Ou ti pe esper lalimyer, me plito fernwanr ek nyaz sonm ki vini.

Zeremi 17:15

Dimoun i demann mwan: Oli sa ki SENYER in dir pou arive? Ki son parol i realize.

Zeremi 30:7

Maler! En zour terib pe vini; en zour ki ou pa kapab konpare. I en letan detres pour Zakob! Me i pou ganny delivre.

Ezekyel 12:22

Ou ki en imen, ki sa proverb ki pe sirkile dan pei Izrael? Zot pe dir: Letan in pase, okenn vizyon pa'n realize.

Ezekyel 12:27

Ou ki en imen, ekout sa ki pep Izrael i dir: Vizyon ki ou gannyen pou pran bokou letan pour realize; sa bann profesi i pour en lepok bokou plitar.

Zoel 1:15

Maler! Zour SENYER i pros. Zour destriksyon ki Bondye Toupwisan pou anvoye.

Zoel 2:10

Zot fer later tranble. Lesyel i vibre ler zot pase. Soley ek lalin i vin sonm, e zetwal nepli briye.

Zoel 2:11

SENYER i fer tande son lavwa devan son larme, son gran larme pwisan ki egzekit son lord. Zour SENYER i gran e vreman terib. Lekel ki pou kapab reziste?

Zoel 2:31

Avan sa zour SENYER i arive, soley pou vin sonm, lalin pou vin kouler disan. I pou en zour gran e terib.

Abdyas 1:15

Annefe, zour SENYER i pros, en zour terib pour tou bann nasyon. Ou pou ganny trete parey ou'n tret lezot. Ou bann move aksyon pou retonm lo ou latet.

Malasi 4:1

SENYER liniver i deklare: La sa zour pe arive. I pou so parey en dife kot tou bann arogan ek bann malfeter pou brile parey lapay. Sa zour, zot pou bril tou konpletman, san les ni rasin ni brans.

Deterononm 32:24

Lafen pou afebli zot, lafyev ek bann lepidemi pou devor zot. Mon pou anvoy kont zot bann bebet feros e venen bann bebet ki ranpe dan lapousyer.

2 Pyer 3:10

Pourtan, Zour Senyer pou arive koman en voler. Sa zour, lesyel pou disparet avek en gran fraka; bann zetwal pou fonn dan dife. Later avek tou aksyon bann zabitan, pou ganny zize.

2 Pyer 3:4

Zot pou dir: Oli sa enn ki'n promet ki i pou retournen? Depi ki nou bann zanset in mor, tou i reste parey ti ete o konmansman, depi kreasyon lemonn.