Amos 5:16 - Labib An Kreol Seselwa

¹⁶ Alor, la sa ki SENYER, Bondye liniver, SENYER i deklare: Dan bann semen lavil, dimoun pou antann zis bann kantik dey, ek bann kriye lafreyer dan bann plas piblik. Bann fermye pou ganny apele pour zot fer dey e bann fanm pou vin sant kantik dey.

Amos 5:16 ပူးပေါင်းရင်းမြစ်များ

2 Kronik 35:25

Profet Zeremi ti konpoz en kantik dey lo lerwa Zozyas. Depi sa lepok ziska ozordi, tou bann santer ek santez i fer mansyon Zozyas dan zot bann kantik dey. Sa i en koutim ki'n reste dan pei Izrael. Sa bann kantik in reste dan koleksyon Lamantasyon.

Ezai 15:8

Tou teritwar Moab i rezonnen avek lapel osekour. Sa bann lamantasyon i ariv ziska Eglaim; i ganny tande ziska Beer-Elim.

Ezai 22:12

Sa zour, Senyer BONDYE liniver ti demann zot pour plere e lamante; pour raz zot latet e met lenz dey.

Zeremi 30:5

La sa ki SENYER i deklare: Nou antann en tapaz ki fer per; en gran lafreyer ki pa anmenn lape.

Zeremi 4:31

Annefe, mon'n antann kriye konmsi en manman ti pe ganny son premye baba. Sa ti Zerizalenm ki ti pe kriye pour esey pran respirasyon. Lanmen anler, i pe kriye: Maler i lo mwan! Zot pe vin touy mwan!

Zeremi 9:10

Mon pou lamante lo bann montanny e plere pour bann laplenn, akoz zot in ganny brile. Personn pa pase e nepli annan tapaz bann troupo. Zwazo ek zannimo sovaz in ale; pa reste nanryen.

Zeremi 9:16

Mon pou anvoy li annegzil dan en kantite pei diferan ki ni li, ni son zanset pa'n deza antann koze. Mon pou anvoy bann gerye kont li ziska ki mon ava'n detri li konpletman.

Oze 4:3

Pour sa rezon pei pou dan dey, son bann zabitan pe deperi ansanm avek bann zannimo sovaz, bann zwazo dan lesyel. Menm bann pwason dan lanmer pe disparet.

Zoel 1:11

Kriye dan dezespwar, zot bann planter! Plere, zot bann travayer plantasyon rezen, akoz tou rekolt dible ek lorz in ganny detri.

Zoel 1:14

Donn lord pour fer en zenn. Rasanble bann zabitan pour en lasanble solannel! Rasanble bann ansyen ek tou zabitan dan pei, dan tanp SENYER zot Bondye e enplor SENYER.

Zoel 1:15

Maler! Zour SENYER i pros. Zour destriksyon ki Bondye Toupwisan pou anvoye.

Zoel 1:8

Lamante zot tou, parey en zenn fiy an dey ki pe pler lanmor son zenn fiyanse.

Amos 3:13

La sa ki Senyer BONDYE, Bondye liniver i deklare: Ekoute, e anons sa bann lavertisman bann desandan Zakob:

Amos 5:27

mon pou anvoy zot annegzil lo lot kote Damas. Mwan, SENYER, Bondye liniver ki deklare: Sa i mon non.

Amos 8:10

Mon pour sanz zot lafet an dey, e zot bann sanson an lamantasyon. Mon pou met zot lenz dey e raz zot latet, konmsi lanmor zot sel garson. Sa zour pou en zour tris.

Amos 8:3

Senyer BONDYE i deklare: Sa zour, bann sanson dan pale, pou vin kantik dey. Pou annan en kantite lanmor. Bann kadav pou ganny zete partou. Partou pou silans.

Mise 1:8

Pour sa rezon, mon pou lamante e kriye. Mon pou mars pyeni e touni. Mon pou irle parey en sakal e plennyen parey en lotris.

Mise 2:4

Sa zour, zot pou met ou dan sanson. Zot pou sant en konplent kont ou: Nou'n ganny konpletman devaste. Zot in sezi tou teritwar mon pep. Ki pe arive? Zot in aras mwan tou! Nou later i ganny partaze ant zot.

Revelasyon 18:10

Zot pou debout alekar, akoz zot pou per devan bann tourman. Zot pou dir: Maler! En gran maler! Babilonn, gran lavil, lavil pwisan! En erdtan in ase pour ou ganny zize!

Revelasyon 18:19

Zot ti zet lapousyer lo zot latet; zot ti plere e zot ti lamante: Maler! Maler! Ki kalite maler sa gran lavil i ladan. Par son larises, i'n anrisi tou bann ki ti annan bato lo lanmer! Dan zis en erdtan in arive perdi tou!