Amos 5:11 - Labib An Kreol Seselwa

¹¹ Zot in kraz dimoun pov, zot in pran pardfors en parti zot rekolt. Pour sa rezon, zot pa pou viv dan bann lakaz fer avek ros taye e ki zot in konstri. Zot pa pou bwar diven sorti dan zot bann plantasyon rezen.

Amos 5:11 ပူးပေါင်းရင်းမြစ်များ

Liv Zob 20:19

akoz i'n fer abandonn bann pov; i'n sezi lakaz ki lezot in konstri.

Ezai 16:10

Lazwa ek kontantman in disparet dan bann vale. Napa okenn sanson ki sorti dan plantasyon rezen, personn pa kriye avek kontantman. Personn pa vin kraz rezen pour fer diven; nepli antann okenn sanson avek lakadans.

Ezekyel 26:12

Zot pou pran ou bann larises e vol tou ou marsandiz; zot pou demoli ou bann miray e detri ou bann pale. Zot pou pran tou ou ros, dibwa ek later e zet zot dan fon lanmer.

Ezekyel 34:21

Akoz zot in pouse e bouskile avek zot kote ek zot zepol, e tap koudkorn bann ki feb ziska ki zot in ganny disperse partou deor,

Oze 9:2

Ou pa pou ganny ni dible ni diven nouvo ki ou pe espere.

Levitik 26:16

la sa ki mon pou fer zot: Mon pou anvoy maler, maladi enkirab ek lafreyer lo zot. Zot pou vin aveg e zot pou deperi. Zot ava senm legren anven, akoz zot lennmi ki pou rekolte.

Amos 2:6

La sa ki SENYER i deklare: Akoz sa kantite krim Izrael, mon pa pour sanz mon desizyon: Zot in vann dimoun inosan, koman lesklav, pour larzan ki zot pa'n kapab rann. Zot in vann bann pov pour en per sandal.

Amos 2:7

Zot kraz bann malere dan lapousyer. Zot napa respe pour okenn drwa bann ki feb. En zonm i dormi avek menm fanm ki son papa; sa i en ensilt pour mon loner.

Amos 3:15

Mon pou detri zot bann rezidans liver ek zot bann pale lete. Mon pou detri tou sa bann pale ki'n ganny dekore avek livwar. Tou sa bann gran lakaz pou disparet. SENYER ki deklare.

Amos 3:9

Al anons dan bann pale Asdod e dan bann pale Lezip: Rasanble zot lo bann montanny Samari, zot ava war bann gran dezord ek vyolans ki pe ganny komet se li.

Amos 4:1

Bann fanm dan montanny Samari, ki gra parey bann vas Basann, ekout sa parol: Zot ki maltret dimoun ki feb, ki kraz bann pov, e ki dir zot mari anmenn keksoz pour bwar,

Amos 6:11

Annefe, SENYER i donn lord: Kraz bann gran lakaz; met an morso bann pti lakaz.

Amos 6:12

Eski en seval i galope lo ros? Eski en dimoun i kiltiv lanmer avek son bef? Zot in sanz ladrwatir pour fer li vin en pwazon e fer lazistis vin en keksoz anmer.

Amos 8:4

Ekoute, zot ki kraz bann malere, e ki oule detri bann pov dan sa pei.

Amos 9:14

Mon pou fer mon pep Izrael retourn dan son pei. Zot ava rekonstri bann lavil ki'n ganny detri e reste ladan. Zot ava plant pye rezen e zot ava bwar diven. Zot ava kiltiv bann zarden e manz zot fri.

Mise 1:6

Alor, mon pou fer laplenn Samari vin en ta debri, kot i bon zis pour plant rezen. Mon pou fer deboule son bann ros dan vale. Tou son fondasyon pou paret.

Mise 2:2

Kan zot anvi bann plantasyon, zot pran. Si zot anvi bann lakaz, zot sezi. Zot fer mizer en dimoun ek son fanmir e zot akapar son posesyon.

Mise 6:15

Ou pou senmen me ou pa pou rekolte. Ou pou kraz zoliv me ou pa pou servi son delwil. Ou pou kraz rezen me ou pa pou bwar diven.

Sofoni 1:13

Zot larises pou ganny pran. Zot lakaz pou ganny detri. Zot pou konstrir lakaz, me zot pa pou reste ladan. Zot pou plant rezen, me zot pa pou bwar son diven.

Agze 1:6

Zot in senm bokou, me zot in rekolte en pti gin; zot in ganny manze, me zot pa zanmen ase; zot in ganny bwar, me zot touzour swaf; zot sanze, me zot lenz pa zanmen gard lasaler; lapey bann travayer i al dan en portmonnen defonse.

Malasi 1:4

Si Edonm i dir: Nou landrwa in ganny detri, me nou pou rekonstri li, la sa ki SENYER liniver i deklare: Zot kapab rekonstri li, me mon pou kraz li ankor. Dimoun pou apel li pei modi e en pep ki toultan fer SENYER ankoler.

Deterononm 28:30

Ou ava marye avek en fanm, me en lot zonm ki pou dormi avek li. Ou ava konstri en lakaz, me ou pa pou reste ladan. Ou ava plant en plantasyon rezen me ou pa pou gout son fri.

Let Zak 2:6

Me zot, zot dezonor bann pov. Pa bann ris ki eksplwat zot e ki trenn zot devan ziz?