Amos 4:8 - Labib An Kreol Seselwa

⁸ Zabitan detrwa lavil in marse pour zot rod delo pour bwar, me zot pa'n pas zot laswaf. Malgre sa, zot pa'n retourn ver mwan. SENYER ki deklare.

Amos 4:8 ပူးပေါင်းရင်းမြစ်များ

1 Rwa 18:5

Akab ti dir Abdyas, “Travers pei kot i annan bann sours delo ek bann landrwa kot larivyer in sek; kekfwa nou ava kapab trouv zerb e sov lavi nou bann seval ek bann bourik, e konmsa nou pa pou bezwen touy bann zannimo.”

Ezai 9:12

Bann Arameen lo kote Les, bann Filisten lo kote Was, zot in devor Izrael avek lapeti. Malgre sa, lakoler SENYER pa'n kalme; son lanmen in reste touzour menasan.

Zeremi 23:14

Me mon'n war bann profet dan Zerizalenm fer keksoz degoutan: Zot komet adilter e zot viv dan mansonz. Zot ankouraz dimoun kontinyen fer sa ki mal, e personn pa sanz son mannyer fer. Pour mwan, zot osi move ki bann zabitan Sodonm ek Gomor.

Zeremi 3:3

Pour sa rezon, mon'n anpes lapli tonbe e sezon lapli pa'n vini. Vreman, ou'n vin parey en prostitye, me ou pa ni onte.

Zeremi 3:7

Mon ti krwar, SENYER ti dir, ki Izrael ti ava retourn kot mwan, apre tou sa bann forfe. Me i pa'n retournen. Zida son swadizan ser, sa tret, i'n temwen.

Zeremi 5:3

I vre, SENYER: Laverite ki enteres ou! Ou'n pini zot, me pa fer zot nanryen. Ou'n preski detri zot; me zot in refize aprann. Zot in fer latet; zot refize retourn kot ou.

Oze 11:5

Zot pa pou retourn Lezip, me en Asiriyen ki pou vin zot lerwa, akoz zot in refize retourn kot mwan.

Oze 7:10

Lorgey Izrael i temwanny kont li. Izrael pa'n retourn ver SENYER son Bondye. Apre tou, zot pa rod li.

Amos 4:6

Mwan ki ti anvoy lafanmin dan tou zot lavil. Mon'n anpes bann vilaz ganny manze. Malgre sa, zot pa'n retourn ver mwan. SENYER ki deklare.

Mise 6:14

Ou pou manze me ou pou reste lafen. Tou sa ki ou pou met dekote pa pou reste; sa ki ou reisi met dekote, mon pou detrir par lepe.

Agze 1:6

Zot in senm bokou, me zot in rekolte en pti gin; zot in ganny manze, me zot pa zanmen ase; zot in ganny bwar, me zot touzour swaf; zot sanze, me zot lenz pa zanmen gard lasaler; lapey bann travayer i al dan en portmonnen defonse.

Agze 2:17

La sa ki SENYER i deklare: Mon ti pini zot e detri tou sa ki zot ti'n prodwi; tou in fletri e pouri e ganny detri par lipou ek lagrel. Me zot pa'n retourn kot mwan, SENYER ki deklare.