Amos 4:2 - Labib An Kreol Seselwa

² Senyer BONDYE in fer sa serman: Par mon sentete, sa zour pe vini kan zot pou ganny trennen parey pwason ki'n pri dan lanmson.

Amos 4:2 ပူးပေါင်းရင်းမြစ်များ

Psonm 89:35

Lo mon non ki sen, en fwa pour tou, mon'n fer sa serman: Mon pa pou manti avek David.

Psonm 89:36

Son desandans pou dire pour touzour; son tronn pou reste devan mwan parey soley.

Ezai 37:29

Ou'n pran lakoler kont mwan e ou bann parol larogans in ariv ziska mon zorey. Mon pou met en lanmson dan ou nennen e en mor dan ou labous e mon pou fer ou retourn kot ou sorti.

Zeremi 16:16

La sa ki SENYER i deklare: Mon pe anvoy en kantite peser ki pou lepidemi zot. Apre sa, mon pou anvoy en kantite saser ki pou debiste zot dan montanny, dan kolin e dan bann kap ros.

Ezekyel 29:4

Mon pou agraf en lanmson dan ou lanmaswar e fer bann pwason ou larivyer kol avek ou lekay. Mon pou redi e tir ou dan ou larivyer avek tou bann pwason larivyer ki'n kole lo ou lekay.

Ezekyel 34:16

Mon pou rod bann ki'n perdi; fer retournen bann ki'n egare; pans bann ki'n ganny blese e fer bann ki malad repran zot lafors. Me mon pou elimin bann ki gra e for. Mon pou diriz mon troupo avek ladrwatir.

Ezekyel 38:4

Mon pou met en lanmson dan ou lanmaswar e trenn ou pardfors. Mon pou fors ou sorti avek ou larme: Seval ek son kavalye abiye dan liniform. Zot ava form en gran latroup gerye, zot tou arme avek zot boukliye ek lepe.

Amos 6:8

Senyer BONDYE, par en serman, SENYER, Bondye liniver i deklare: Lorgey pep Izrael i degout mwan; mon deteste lorgey lafanmir Zakob ek son bann pale. Mon pou livre lavil Samari dan lanmen lennmi ek tou sa ki ladan.

Amos 8:7

SENYER in fer sa serman par Zakob: Mon pa pou zanmen oubliy zot bann aksyon.