Amos 4:13 - Labib An Kreol Seselwa

¹³ Bondye i sa enn ki form bann montanny e kree divan. I revel son bann plan avek bann imen. I fer lizour vin lannwit. I mars lo bann oter. Son non: SENYER, Bondye liniver.

Amos 4:13 ပူးပေါင်းရင်းမြစ်များ

Liv Zob 9:7

I kapab defann soley leve e anpes zetwal briye.

Psonm 135:7

I fer nyaz leve lwen lo lorizon; i anvoy zekler ek lapli; i fer divan sorti dan son rezerv.

Psonm 139:2

Ou konnen ler mon asiz e ler mon leve. Ou konn tou mon lentansyon lontan avan.

Psonm 147:18

Lo son lord, zot fonn; i fer son divan soufle, e delo i koule.

Psonm 65:6

Par ou lafors, ou'n plas bann montanny. Ou ranpli avek pwisans.

Egzod 10:22

Moiz ti lev son lanmen ver lesyel e en teneb epe ti kouver Lezip antye pandan trwa zour.

Egzod 14:20

I ti plas li ant kan bann Ezipsyen ek kan bann Izraelit. Sa nyaz ti fernwanr en kote; me lot kote ti kler dan lannwit. Zot pa ti apros kanmarad pandan lannwit.

Ezai 40:12

Lekel ki'n deza mezir delo dan son lanmen e ki'n fikse lesyel avek son plak lanmen? Lekel ki'n fer antre tou lapousyer later dan en mezir? Lekel ki'n deza pez bann montanny ek kolin lo en balans?

Ezai 45:7

Mwan ki fer lalimyer e kree fernwanr. Mon fer boner e mon fer maler. Mwan menm SENYER ki fer tousala.

Ezai 47:4

Nou sover i apel SENYER liniver. Li menm Bondye Sen, Izrael!

Ezai 48:2

Zot tir zot lafyerte dan lavil sen e zot depann lo Bondye Izrael ki apel SENYER liniver.

Ezai 5:30

Sa zour, pou annan en gronnyman kont li, parey gronnyman lanmer. Si ou get lo kote later, ou pou war zis fernwanr ek detres. Bann gro nyaz pou maske lalimyer.

Zeremi 10:13

Kan i fer tande son lavwa, delo i anmase dan lesyel; i fer monte bann gro nyaz depi lorizon; i fer zekler anmenn lapli; i fer divan sorti dan son rezerv.

Zeremi 10:16

Me Bondye Izrael i pa parey zot. In kre liniver e in swazir Izrael koman son prop pep. SENYER liniver i son non.

Zeremi 13:16

Rann glwar SENYER ou Bondye avan ki i anvoy fernwanr, avan ki ou tap ou lipye kont en ros dan montanny. Ou ti pe esper lalimyer, me plito fernwanr ek nyaz sonm ki vini.

Zeremi 46:18

Mwan, sa lerwa ki apel SENYER liniver, mon deklare: Osi vre ki mon vivan, lennmi pe vini. Osi vre ki montanny Tabor i pli o parmi bann montanny; osi vre ki montanny Karmel i domin lanmer, i pe vini.

Zeremi 51:16

Ler i fer tande son lavwa, delo i anmase dan lesyel. I fer monte bann gro nyaz depi lorizon; i fer zekler anmenn lapli; i fer divan sorti dan son bann rezerv.

Zeremi 51:19

Me Bondye Izrael i pa parey zot. In kree liniver e in swazir Izrael koman son prop pep. SENYER liniver i son non.

Danyel 2:28

Me i annan en Bondye dan lesyel ki revel bann mister, e i'n montre lerwa Naboukodonozor sa ki pou arive dan lavenir. La ou rev ek bann vizyon ki ou'n gannyen dan ou sonmey:

Danyel 2:30

Si sa mister in ganny revele avek mwan, se pa akoz okenn lasazes ki mon annan anplis ki lezot imen, me pour ki lerwa i konn lenterpretasyon e pour fer ou konpran sa ki ou ti pe mazinen dan ou lespri.

Oze 12:6

Me ou, ou devre retourn kot ou Bondye, pratik lanmour e annan respe pour lazistis; touzour met ou lesperans dan ou Bondye.

Zoel 2:2

En zour fernwanr ek brouyar, en zour avek nyaz epe ki kouver montanny. En gran larme zensek, nonbre e for, ki nou pa'n zanmen war, pe vini. Zanmen en keksoz parey in deza arive, e i pa pou zanmen ariv ankor dan lavenir.

Amos 3:13

La sa ki Senyer BONDYE, Bondye liniver i deklare: Ekoute, e anons sa bann lavertisman bann desandan Zakob:

Amos 5:27

mon pou anvoy zot annegzil lo lot kote Damas. Mwan, SENYER, Bondye liniver ki deklare: Sa i mon non.

Amos 5:8

SENYER ki ti kree bann zetwal: Pleyad ek Orion. SENYER i sanz lannwit e fer li vin lizour e lizour vin lannwit. I apel delo lanmer e devers li lo later. SENYER i son non.

Amos 6:8

Senyer BONDYE, par en serman, SENYER, Bondye liniver i deklare: Lorgey pep Izrael i degout mwan; mon deteste lorgey lafanmir Zakob ek son bann pale. Mon pou livre lavil Samari dan lanmen lennmi ek tou sa ki ladan.

Amos 8:9

La sa ki Senyer BONDYE i deklare: Sa zour la, mon pou fer soley kouse midi, e lannwit pou vin lizour lo later.

Amos 9:6

Bondye in etabli son demer dan lesyel e kouver later avek en twa. I tir delo dan lanmer pour devers li lo later. SENYER i son non.

Mise 1:3

SENYER pe sorti dan son demer. I desann e mars lo bann montanny.

Habakouk 3:19

BONDYE i mon Senyer, li menm mon lafors: I rann mon lipye parey lipye gazel; i fer mwan taye e sote lo bann oter. Pour sef lakoral: Avek bann lenstriman lakord.

Zakari 12:1

En proklanmasyon sorti kot SENYER lo size Izrael: La sa ki SENYER ki'n tal lesyel e kree later, ki'n donn zonm lavi, i deklare:

Matye 9:4

Me Zezi ti konn tou sa ki ti pe pase dan zot lespri. I ti demann zot, “Akoz zot pe mazin tou sa bann move keksoz dan zot leker?

Levanzil dapre Zan 2:25

I pa ti bezwen personn pour fer li konn zot, akoz i ti konnen sa ki i annan dan leker imen.

Levanzil dapre Zan 3:8

Divan i soufle kot i oule, e ou antann son tapaz; me ou pa konnen kote i sorti, ni kote i ale. Sanmenm ki arive kan en dimoun i'n ne par Lespri.”

Deterononm 32:13

I ti plas li lo oter pei e fer li manz prodwi pei. I ti fer li manz dimyel sorti dan ros avek delwil sorti dan ros granit;

Deterononm 33:29

Izrael! Ou byennere. Lekel ki parey ou? En pep ki SENYER in sove; ou boukliye ki sekour ou ou lepe ki donn ou laviktwar. Ou bann lennmi pou kourbe devan ou; ou pou mars lo zot.