Amos 4:12 - Labib An Kreol Seselwa

¹² Izrael! Pour tou sa bann rezon, ou pou war koman mon pou pini ou. Akoz mon pou egzekit mon desizyon, Izrael, prepar ou, pour ou prezant ou devan ou Bondye.

Amos 4:12 ပူးပေါင်းရင်းမြစ်များ

Ezai 32:11

Fanm ki viv en lavi alez! Tranble. Zot ki ardyese! Tranble Tir zot lenz e met lenz dey otour zot leren!

Ezai 47:3

Dimoun ava war ou touni e zot ava war sa ki fer ou laont. Mon pou revanze e mon pa pou eparny personn.

Ezai 64:2

Parey dife ki bril brousay, parey dife ki bwi delo, fer ou bann lennmi konnen ki ou ete; e bann nasyon ava tranble devan ou!

Zeremi 5:22

Mwan SENYER, mon demann ou: Akoz ou napa respe pour mon lotorite? Akoz ou pa tranble devan mwan? Mwan menm ki'n met disab koman en baryer pour lanmer. Sa baryer pou touzour la, e lanmer pa pou zanmen depas li. I kapab azite; sa pa pou servi nanryen. Pli gro laroul pa pou kapab depas li.

Ezekyel 13:5

Ou pa'n esey bous bann trou dan miray ki'n degrengole pour protez Izrael par en baraz kont lager zour SENYER.

Ezekyel 22:30

Mon'n rod parmi zot en zonm ki kapab konstri en miray, ki kapab debout devan mwan kot miray in kase pour byennet pei, pour ki mon pa detri li. Me mon pa'n trouv personn.

Oze 13:8

Mon pou atak zot parey en lours ki'n perdi son bann piti; mon pou desir zot lapo leker; parey en femel lyon, mon pou devor zot, parey bann zannimo sovaz.

Amos 2:14

Menm sa enn ki tay vit pa pou kapab sove; menm bann ki pli for pa pou kapab servi zot lafors; Bann pli bon gerye pa pou kapab sov zot lavi.

Matye 24:44

Zot osi, met zot pare, akoz Fis-de-Lonm pou vini ler ki zot pa pe mazinen.”

Matye 5:25

Si ou annan en zafer an kour kont en dimoun, depese fer zanmi avek li letan zot ankor dan semen; sinon, ou ladverser ava anmenn ou devan ziz. Ziz ava met ou dan lanmen gard e ou ava ganny met dan prizon.

Revelasyon 3:3

Pa oubliye ki mannyer ou'n resevwar e antann Laparol. Obei li e sanz ou lavi. Si ou pa sanze, mon pou vin koman en voler e ou pa pou konnen ki ler mon pou vin sirprann ou.