Amos 2:6 - Labib An Kreol Seselwa

⁶ La sa ki SENYER i deklare: Akoz sa kantite krim Izrael, mon pa pour sanz mon desizyon: Zot in vann dimoun inosan, koman lesklav, pour larzan ki zot pa'n kapab rann. Zot in vann bann pov pour en per sandal.

Amos 2:6 ပူးပေါင်းရင်းမြစ်များ

2 Rwa 18:11

Lerwa Asiri ti anmenn bann Izraelit Asiri koman prizonnyen e fer zot reste kot Hala, lo larivyer Habor, larivyer Gozann e dan bann lavil Med.

2 Rwa 18:12

Tousala, ti arive akoz Izrael pa ti obei SENYER zot Bondye, e zot ti kas son lalyans. Zot pa ti ni obei, ni met an pratik bann komannman ki SENYER ti'n ordonn Moiz, serviter SENYER.

Ezai 10:2

Zot anpes dimoun ganny lazistis. Zot priv bann pov zot drwa. Zot vol bann vev e depouy bann orfelen!

Ezai 29:21

Sa bann ki fer fos akizasyon, ki met en latrap pour bann ziz devan laport lavil e ki, san okenn rezon, fer en inosan ganny kondannen.

Ezekyel 22:13

Alor, mon lev mon koudpwen kont zot akoz bann aksyon malonnet ek krim ki zot komet parmi zot.

Zoel 3:3

Zot in tir osor lo mon pep. Zot in vann bann zennzan, pour pey bann prostitye. Zot in vann bann zenn fiy, pour pey diven ki zot in bwar.

Zoel 3:6

Zot in vann bann zabitan Zida ek Zerizalenm avek bann Grek, pour anmenn zot lwen avek zot pei.

Zakari 11:5

Dimoun ki aste zot, i touy zot, san ganny pini. Dimoun ki vann zot, zot dir: Loue SENYER, akoz mon'n vin ris. Zot prop berze napa okenn pitye pour zot.