Amos 2:4 - Labib An Kreol Seselwa

⁴ La sa ki SENYER i deklare: Akoz sa kantite krim Zida, mon pa pour sanz mon desizyon: Zot in rezet mon lansennyman, zot pa'n obei mon komannman. Zot in les zot ganny tronpe, parey zot zanset ki ti ganny egare par bann mansonz. Zot osi, zot in swiv sa bann mansonz.

Amos 2:4 ပူးပေါင်းရင်းမြစ်များ

2 Rwa 17:19

Zida osi pa ti gard komannman SENYER zot Bondye: Zot ti swiv bann koutim ki Izrael ti'n entrodwir.

2 Kronik 25:14

Kan Amasya ti retournen apre son laviktwar bann Edomit, i ti fer anmenn bann stati bondye Edomit. I ti fer etabli zot koman son bondye; i ti ador zot e ofer zot lansan.

2 Kronik 30:7

Pa fer parey zot bann zanset ek zot bann frer, ki ti enfidel anver SENYER, Bondye zot zanset ki'n livre zot dan dezolasyon, parey zot war.

Nehemi 1:7

Nou'n ofans ou en kantite; nou pa'n gard ou bann komannman, ou bann lalwa ek ou bann regleman ki ou ti donn nou par lentermedyer ou serviter Moiz, ou serviter.

Nehemi 9:26

Me, zot ti dezobeisan e revolte kont ou. Zot ti tourn zot ledo avek ou lalwa e touy ou bann profet ki ti averti zot, pour zot retourn kot ou. Zot ti ensilte ou gravman.

Ezai 28:15

Akoz zot in dir: Nou'n fer en lalyans avek lanmor; nou annan en lakor avek lemonn lanmor. Ler katastrof ava arive, i pa pou tonm lo nou; akoz nou'n fer mansonz vin nou labri e nou kasyet nou dan tou sa ki fo.

Ezai 44:20

I nouri li lo sa ki reste zis lasann. Son lespri pe derezonnen i nepli kapab disernen. I nepli kapab dir dan li menm: Sa ki dan mon lanmen drwat, i zis en fo?

Zeremi 16:11

Alor ou ava dir zot, la sa ki SENYER i deklare: Sa i akoz zot bann zanset in abandonn mwan pour zot al ador e servi bann fo bondye. Zot in abandonn mwan e zot pa'n obei mon komannman.

Zeremi 16:12

Me zot, zot in fer pli pir ki zot zanset: Zot tou, zot kontinyen reste dan lantetman e zot pa oule ekout sa ki mon dir zot.

Zeremi 17:27

Me si zot pa ekout mwan, si zot pa obzerv sa zour saba koman en zour sakre, si zot kontinyen pas avek pake dan bann laport Zerizalenm, alor mon pou met dife dan sa bann laport lavil. Sa dife ki pa pou zanmen tennyen, pou detri bann pale dan Zerizalenm.

Zeremi 6:19

Tou bann pep lo later! Ekoute: La mon pe anvoy maler lo sa pep, rezilta zot prop manigans, akoz zot in rezet mon lenstriksyon e zot pa'n obei mon komannman.

Zeremi 8:2

Lennmi pou les sa bann lezo tale ater parey fimyen e les zot ganny ekspoze dan soley, lalin ek zetwal ki sa bann zans ti kontan, ki zot ti servi, konsilte e adore.

Zeremi 8:9

Bann ki dir zot saz, in kanmi. Zot in pri e zot per, akoz zot in rezet parol SENYER. Oli zot lasazes?

Zeremi 9:14

Zot in prefere reste dan zot lantetman; zot in al ador bann fo bondye Baal, parey zot bann zanset in montre zot.

Ezekyel 13:22

Par zot mansonz, zot dekouraz bon dimoun, kan mwan mon pa'n fer li, e zot in ankouraz bann malfeter dan zot mesanste e anpes zot kit zot move konportman. Alor, permet zot viv.

Ezekyel 20:13

Me pep Izrael ti revolte kont mwan dan dezer. Zot pa ti swiv mon bann lalwa e zot ti rezet mon bann regleman ki zonm devre obei pour viv. Zot in montre mepri pour mon saba. Dan mon lakoler, mon ti anvi detri zot dan dezer.

Ezekyel 20:16

Akoz zot ti rezet mon bann regleman, zot pa'n obei mon bann lalwa e zot pa'n gard mon saba. Zot in prefere ador bann zidol.

Ezekyel 20:18

Mon ti dir avek zot bann zanfan dan dezer: Pa obei lalwa zot bann zanset, pa gard zot bann regleman, ni rann zot enpir avek zot bann zidol.

Ezekyel 20:24

akoz zot pa ti gard mon bann regleman, zot in rezet mon bann lalwa e profann mon bann saba; zot in les zot ganny atire par bann zidol zot bann zanset.

Ezekyel 20:30

Alor, dir pep Izrael: La sa ki Senyer BONDYE i deklare: Pa bezwen rann zot enpir parey zot bann zanset, e livre zot dan prostitisyon avek zot bann zidol degoutan.

Ezekyel 22:28

Zot bann profet i kasyet tousala anba en kous lapentir. Zot rakont fo vizyon ek mansonz ki zot envante. Zot dir: La sa ki Senyer BONDYE in dir, alor ki SENYER pa'n dir nanryen.

Ezekyel 22:8

Ou napa respe pour keksoz ki'n ganny konsakre pour mwan e ou pa gard mon bann saba.

Oze 12:2

SENYER in fer en lakizasyon kont Zida. I pou pini Zakob dapre son move kondwit, e fer li peye pour son bann aksyon.

Oze 12:3

Dan vant son manman, i ti atrap son frer par son talon, e kan in grand, i'n lager avek Bondye.

Oze 6:11

Pour ou osi Zida, byento mon pe prepar en rekolt, mon pou retabli destinen mon pep.

Amos 1:3

La sa ki SENYER i deklare: Akoz sa gran kantite krim pep Damas, mon pa pou sanz mon desizyon: Akoz zot in kraz Galaad avek lenstriman an fer,

Amos 3:2

Parmi tou bann nasyon ki peple later, ou ki mon'n swazir. Pour sa rezon, mon pou fer ou rann kont tou ou bann krim.

Mise 6:12

Ou bann ris i ranpli avek vyolans. Ou bann zabitan, zot bann manter. Dan zot labous, i sorti zis parol tronpri.

Habakouk 2:18

Akfer fabrik en stati fer par en artizan? I zis en zidol an metal ki'n ganny forze, pour fer dimoun krwar dan mansonz. I pa ni menm koze, me en artizan i met konfyans dan li?

Romen 1:25

Zot sanz laverite Bondye kont mansonz. Zot ador e servi kreatir olye ador Kreater ki merit ganny loue pour touzour! Amenn!

1 Tesalonisyen 4:8

Pour sa rezon, sa enn ki rezet en tel lansennyman pa rezet en zonm, me Bondye ki donn li son Lespri Sen.

1 Pyer 1:18

Annefe, zot konnen par ki pri, zot in ganny sove dan zot mannyer viv initil ki zot in erite avek zot zanset. Sa pa ti fer atraver bann lobze ki perdi valer tel ki larzan oubyen lor,

Ziz 10:6

Bann Izraelit ti rekonmans fer sa ki depler SENYER: Zot ti al servi bann Baal ek bann Astarte, bondye bann Arameen, bann Sidonit, bann Moabit, bann Amonit e bann Filisten. Zot ti abandonn SENYER e aret servi li.