Amos 2:14 - Labib An Kreol Seselwa

¹⁴ Menm sa enn ki tay vit pa pou kapab sove; menm bann ki pli for pa pou kapab servi zot lafors; Bann pli bon gerye pa pou kapab sov zot lavi.

Amos 2:14 ပူးပေါင်းရင်းမြစ်များ

Liv Zob 11:20

Me lizye bann malfeter pou fatige. Zot pa pou war okenn semen sove. Lanmor pou zot dernyen lespwar.

Psonm 33:16

En lerwa pa ganny sove akoz i annan en larme pwisan. En solda pa ganny delivre par grander son lafors.

Eklezyas 9:11

Mon'n osi dekouver anba soley, ki dan en paryaz pa sa ki pli rapid ki gannyen; laviktwar pa vin pour sa enn ki pli vayan; dipen pa vin pour sa ki pli saz e larises pour sa ki pli entelizan, ni faver pour sa ki pli savan, akoz tou i depann lo letan ek sirkonstans.

Zeremi 25:35

Landrwa kot bann berze i al kasyet in ganny detri. Tou semen ki dirizan mon pep i kapab pran pour sove, in ganny bloke.

Zeremi 39:4

Kan Sedesyas ek son bann gerye ti war sa ki pe pase, zot ti esey sove dan lannwit. An pasan par laport ant sa de miray, zot ti al dan zarden rwayal dan direksyon Araba.

Zeremi 9:23

La sa ki SENYER i deklare: En dimoun saz pa devre vant son lasazes. Sa enn ki for pa devre vant son lafors. Sa enn ki ris pa devre fer vantar avek son larises.

Amos 5:9

SENYER ki permet en zonm for tonbe e ki detri lavil byen proteze.