Amos 2:10 - Labib An Kreol Seselwa

¹⁰ Mon ti fer ou sorti Lezip; mon ti kondwir ou atraver dezer pandan 40 an, pour ou pran posesyon pei bann Amorit.

Amos 2:10 ပူးပေါင်းရင်းမြစ်များ

Nehemi 9:21

Pandan 40 an ou'n pran swen avek zot e zot pa ti mank nanryen dan dezer. Zot lenz pa ti ize e zot lipye pa ti anfle.

Psonm 95:10

Sa zenerasyon in fer mwan degout zot pandan 40 an. Mon ti dir: Zot en pep ki lespri in egare avek mwan. Zot pa konn mon semen.

Egzod 12:51

Sa menm zour, SENYER ti delivre pep Izrael Lezip, organize an group koman en larme.

Egzod 20:2

Mwan menm SENYER ou Bondye, ki ti delivre ou Lezip dan lesklavaz.

Egzod 3:8

Mon'n desann pour delivre zot dan lanmen bann Ezipsyen e fer zot sorti depi sa pei, ver sa bon pei ki gran, en pei kot dile ek dimyel i koule. Sa landrwa i kot bann Kananeen, bann Hitit, bann Amorit, bann Perizit, bann Hivit e bann Zebizit i reste.

Zeremi 2:6

Zot pa ti dir: Nou bezwen retourn kot SENYER ki'n fer nou sorti Lezip, ki'n gid nou dan dezer, kot i annan presipis, kot nanryen pa pouse. I fernwanr, napa personn ki reste e personn pa pase la.

Ezekyel 20:10

Alor, mon ti fer zot sorti Lezip e anmenn zot dan dezer.

Amos 3:1

Pep Izrael! Ekout parol ki SENYER i prononse kont ou, lo tou bann fanmir ki mon'n fer monte, sorti Lezip:

Amos 9:7

La sa ki SENYER i deklare: Zabitan Izrael! Pa zot vo otan pour mwan ki bann Etyopyen? Pa mwan ki ti fer Izrael sorti Lezip, bann Filisten sorti Kaftor, ek bann Arameen sorti Kir?

Mise 6:4

Mon'n fer ou monte sorti Lezip. Mon'n delivre ou dan lesklavaz. Mon'n donn ou koman sef Moiz, Aaron ek Mirianm.

Nonm 13:32

Alor zot ti donn fo rapor parmi bann Izraelit lo pei ki zot in al eksplore. Zot ti dir: Later ki nou'n al eksplore pa kapab soutenir son zabitan. Tou dimoun ki nou'n war, zot gran.

Nonm 21:25

Bann Izraelit ti pran tou bann lavil Amorit kot zot ti enstal zot. Zot ti osi enstal zot dan Hesbonn ek tou son bann vilaz.

Nonm 32:13

SENYER ti ankoler kont pep Izrael e ti fer zot vir vire dan dezer pandan 40 an, ziska ki sa zenerasyon ki pa ti oule obei SENYER ti'n disparet.

Akt de Zapot 13:18

Pandan anviron 40 an, i ti pran swen avek zot dan dezer.

Akt de Zapot 7:42

Me Bondye ti tourn ledo kont zot, e les zot ador bann zetwal dan lesyel, parey in ekri dan liv bann profet: Pep Izrael! Eski pour mwan ki zot ti ofer bann sakrifis lape ek sakrifis konplet, pandan 40 an dan dezer?

Deterononm 1:39

Me zot bann zanfan ki pa ankor konn diferans ant sa ki byen ek sa ki mal, ki zot ti krwar lennmi pou pran prizonnyen, pou antre dan sa pei. Mon pou donn zot sa pei; zot ki pou pran posesyon.

Deterononm 2:7

SENYER, ou Bondye in beni ou dan tou sa ki ou'n antreprann. In vey lo ou semen dan sa gran dezer. Pandan 40 an, SENYER, ou Bondye ti avek ou; ou pa'n mank nanryen.

Zozye 13:4

depi dan Sid, pei antye bann Kananeen, depi Meara ki propriyete bann Sidonit, ziska Afeka, ziska frontyer bann Amorit;

Zozye 24:8

Alor, mon ti anmenn zot dan pei bann Amorit, ki ti pe reste dan Les larivyer Zourden; sa bann Amorit ti atak zot. Mon ti livre zot dan zot lanmen, e zot ti pran zot pei, e mon ti detri sa bann Amorit devan zot.