Amos 1:5 - Labib An Kreol Seselwa

⁵ Mon pou fer sote laport Damas, e mon pou detri bann zabitan dan vale Aven, ensi ki lerwa ki renny dan vale Edenn; mon pou deport pep Siriyen dan rezyon Kir. SENYER ki deklare. Kont bann Filisten

Amos 1:5 ပူးပေါင်းရင်းမြစ်များ

2 Rwa 14:28

Leres bann aksyon Zeroboanm, ek tou sa ki i'n fer, son bravour dan lager, ki mannyer i ti retabli dominasyon Izrael lo Damas ek Amat ki ti pour Zida, tousala in ganny ekri dan liv Listwar bann Lerwa Izrael.

2 Rwa 16:9

Lerwa Asiri ti ekout li, e i ti al atak Damas ki i ti pran. I ti deport son bann zabitan Kir, koman prizonnyen, e fer touy Rezin.

Ezai 22:6

Solda ki sorti Elanm ti arme avek fles; bann kales lager ek kavalye pe avanse. Solda sorti Kir pe prepar zot boukliye.

Ezai 43:14

La sa ki SENYER ou Sover, Bondye Sen Izrael, i deklare: Akoz ou, ki mon pou anvoy en dimoun kont Babilonn. I pou defons tou bann laport lavil e bann selebrasyon bann Kaldeen pou tourn an lamantasyon.

Ezai 8:4

akoz avan ki sa zanfan pou konn dir papa oubyen manman, tou larises Damas e tou byen ki Samari ti vole pou'n ganny pran par lerwa Asiri.

Zeremi 50:36

Mon deklar lager kont son bann fo profet ki pou ganny trete koman bann fou. Mon deklar lager kont son bann gerye pour ki zot ganny masakre.

Zeremi 51:30

Bann gerye Babilonyen in arete konbat. Zot in reste dan zot kan. Zot nepli annan kouraz, zot in vin parey bann kapon. Zot bann lakaz pe brile, baro lavil in ganny kraze.

Lamantasyon 2:9

Bann gran laport in ganny met ater. Bann fermtir in ganny kase an morso. Lerwa ek son bann zofisye in ganny anvoye annegzil. Lalwa nepli ganny ansennyen; bann profet nepli ganny vizyon sorti kot SENYER.

Ezekyel 27:23

Lavil Harann, Kane ek Edenn, parey komersan Saba, Asour ek Kilmad, zot osi, zot ti fer komers avek ou.

Ezekyel 30:17

En bann zennzan dan lavil Heliopolis ek Pi-Beset pou ganny touye dan lager e lezot pou ganny deporte.

Oze 10:8

Bann landrwa sakre Aven, la kot Izrael in fer pese, pou ganny detri. Rons ek pikan pou pous lo zot bann lotel. Zot pou dir avek montanny: Kouver nou! Avek kolin: Tonm lo nou!

Amos 5:5

Pa bezwen mont Betel. Pa al rod mwan Gilgal. Pa bezwen travers Berseba, akoz bann zabitan Gilgal pou al annegzil e Betel pou ganny detri.

Amos 9:7

La sa ki SENYER i deklare: Zabitan Izrael! Pa zot vo otan pour mwan ki bann Etyopyen? Pa mwan ki ti fer Izrael sorti Lezip, bann Filisten sorti Kaftor, ek bann Arameen sorti Kir?

Nahoum 3:13

Gete, ou bann gerye, parey bann fanm, nepli kapab lager. Bann laport ou pei i gran ouver pour ou bann lennmi; dife in detri bann fermtir.