Agze 2:9 - Labib An Kreol Seselwa

⁹ Labote sa nouvo tanp pou depas sa enn avan. Lanmenm la, ki mon pou anmenn lape, SENYER liniver ki deklare.

Agze 2:9 ပူးပေါင်းရင်းမြစ်များ

Ezai 60:7

Tou bann troupo ki sorti Kedar pou rasanble kot ou. Bann mouton sorti Nebayot pou la pour ou servis; zot pou ganny aksepte lo mon lotel e mon pou fer splander mon tanp briye.

Ezai 66:12

Annefe, la sa ki SENYER i deklare: Mon pou fer son prosperite koule parey en gran larivyer e larises bann nasyon parey en larivyer ki deborde. Ou pou ganny gate e ganny pran dan lebra. Ou pou ganny dorlote lo son zenou.

Ezekyel 43:5

Lespri Bondye ti soulev mwan e transport mwan ziska dan lakour tanp; mon ti war laglwar SENYER ranpli tanp.

Mise 5:5

Li menm ki pou anmenn lape! Si bann Asiriyen i vin dan nou pei e penetre dan nou bann pale, nou pou anvoy kont zot set berze, wit sef parmi lepep.

Agze 1:8

Mont dan montanny e al rod dibwa. Rekonstri tanp e mon ava santi mwan ere. Alor, mon ava resevwar tou loner ki mon merite, mwan SENYER ki deklare.

Agze 2:3

Eski i annan parmi zot ki rapel labote sa tanp? Ki mannyer zot trouv li, la aprezan? I pa nanryen ditou, non?

Zakari 2:5

La sa ki SENYER liniver i deklare, “Deor, mon pou en miray dife otour li. Anndan, mon pou son laglwar.”

Levanzil dapre Lik 2:14

“Laglwar Bondye lao dan lesyel! Lape lo later pour dimoun ki i kontan.”

Levanzil dapre Zan 1:14

Laparol in vin en et imen. I'n vin reste parmi nou. Nou'n war son laglwar; laglwar son sel Garson ki sorti kot Papa, ranpli avek lagras ek laverite.

Levanzil dapre Zan 14:27

Mon kit lape avek zot, mon donn zot mon lape. Selman, mon pa donn zot lape parey lemonn i donnen. Pa bezwen enkyet e pa bezwen per sa ki pou arive.

Akt de Zapot 10:36

Zot konnen ki Bondye in anvoy son mesaz pour pep Izrael pour anons Bonn Nouvel lape par Zezi-Kri; li menm ki Senyer pour tou dimoun.

1 Timote 3:16

Sertennman, ki mister nou lafwa i gran: I'n paret dan laform imen. I'n ganny zistifye par Lespri. Bann lanz in war li. I'n ganny anonse parmi bann nasyon. Atraver lemonn bokou in krwar dan li, i'n ganny anleve dan laglwar Bondye.

Let Zak 2:1

Mon bann frer! Zot ti krwar dan nou glorye Senyer Zezi-Kri, zot pa devre fer preferans pour personn.