Agze 2:15 - Labib An Kreol Seselwa

¹⁵ SENYER ti dir ankor: Aprezan, reflesi ki pou arive apartir ozordi e dan lavenir. Avan ki ou ti rekonmans konstri mon tanp, e ki bann ros ti konmans ganny met enn lo lot,

Agze 2:15 ပူးပေါင်းရင်းမြစ်များ

Esdras 3:10

Kan bann travayer ti poz fondasyon tanp SENYER, bann pret dan zot rob seremoni ti avans devan avek zot tronpet, e bann levit, bann garson Asaf, avek zot senbal, ti rann glwar SENYER dapre bann direktiv donnen par David, lerwa Izrael.

Esdras 4:24

Alor, travay rekonstriksyon tanp dan Zerizalenm ti arete. Sa ti dire ziska dezyenm lannen renny Dariis, lerwa Lapers.

Psonm 107:43

Bann ki saz! Pran kont lo tousala e konpran ki SENYER i fidel.

Ezai 5:12

Lanmizik laarp ek lir, tanbouren, laflit ek diven i lakonpannyman dan zot bann lafet. Me zot pa remark sa ki SENYER in fer; ni travay ki son lanmen i'n akonpli.

Oze 14:9

Bann ki annan lasazes ava konpran sa. Bann ki annan disernman i konnen. Semen SENYER i drwat. Dimoun ki drwat pou swiv, me bann rebel pou tonbe.

Agze 1:5

Alor, la sa ki mwan, SENYER liniver, mon demann zot: Reflesi lo zot sityasyon.

Agze 1:7

La sa ki SENYER liniver i deklare: Reflesi lo sa ki zot pe fer.

Agze 2:16

ki ti arive avek ou? Kan enn ti al pran 20 mezir, i ti trouv zis 10; kan i ti al rod 50 mezir diven dan resipyan 50 mezir, ti annan zis 20 mezir.

Agze 2:18

Alor, reflesi ki pou arive apartir ozordi, vennkatriyenm zour, nevyenm mwan, e apre. Depi sa zour ki fondasyon tanp SENYER in ganny poze,

Zakari 8:10

Akoz avan sa letan, travay zonm pa ti ganny peye, ni travay zannimo akoz lennmi, personn pa ti kapab deplase an sekirite. Annefe, mon ti'n mont tou bann et imen, enn kont lot.

Zakari 8:11

La sa ki SENYER liniver i deklare: Me aprezan, mon pa pou tret restan sa pep parey mon ti fer dan letan pase.

Romen 6:21

Me ki benefis zot ti gannyen par sa bann aksyon? Aprezan, sa bann aksyon i fer zot onte, akoz son rezilta, se lanmor.

1 Korentyen 11:31

Si nou konmans par egzamin nou menm, nou ava evite tonm anba zizman Bondye.