Agze 1:8 - Labib An Kreol Seselwa

⁸ Mont dan montanny e al rod dibwa. Rekonstri tanp e mon ava santi mwan ere. Alor, mon ava resevwar tou loner ki mon merite, mwan SENYER ki deklare.

Agze 1:8 ပူးပေါင်းရင်းမြစ်များ

1 Rwa 6:1

Salomon ti konmans konstriksyon tanp SENYER 480 lannen apre ki pep Izrael ti'n sorti Lezip, dan katriyenm lannen son renny lo Izrael, dan mwan Ziv, ki dezyenm mwan dan lannen.

1 Rwa 9:3

SENYER ti dir li: Mon'n antann ou lapriyer ek ou bann siplikasyon ki ou'n fer monte devan mwan. Mon konsakre sa lakaz ki ou'n konstri, en landrwa kot mon pou plas mon non pour touzour. Mon regar ek mon leker pou la toultan.

1 Kronik 22:19

Alor, met tou zot leker ek tou zot lespri pour konn lavolonte SENYER zot Bondye. Leve e konstri sanktyer SENYER, ou Bondye, pour ki Kof Lalyans SENYER ek bann lobze sakre Bondye, i ganny en plas dan tanp ki pou ganny konstri pour SENYER.”

2 Kronik 7:16

Mon'n swazir e konsakre sa landrwa kot mon non pou prezan pour touzour. Mon pou touzour vey lo li.

Esdras 3:7

Zot ti donn larzan bann mason ek bann sarpantye. Zot ti donn manze, bwar, ek delwil bann Sidonit ek bann Tiryen, pour fer transport pye sed par bato sorti Liban pour anmenn Zafa, dapre lotorizasyon Siris, lerwa Lapers.

Esdras 6:4

Zot ava met trwa ranze ros taye, en ranze dibwa nef ant; tou depans ava ganny peye par trezor rwayal.

Egzod 29:43

La, mon pou rankontre pep Izrael. Sa landrwa ava ganny konsakre par mon laglwar.

Ezai 60:13

Bann diferan kalite pye dibwa ki fer laglwar Liban, pou ganny anmennen kot ou. Zot pou fer en zoli dekor dan mon sanktyer, e mon pou glorifye sa landrwa kot mon repoz mon lipye.

Ezai 60:7

Tou bann troupo ki sorti Kedar pou rasanble kot ou. Bann mouton sorti Nebayot pou la pour ou servis; zot pou ganny aksepte lo mon lotel e mon pou fer splander mon tanp briye.

Ezai 66:11

Akoz ou pou tete dile ziska ou rasazye, sa dile ki konsole; pour ki ou ava kapab bwar avek plezir dile ki sorti dan son zoli tete.

Agze 1:7

La sa ki SENYER liniver i deklare: Reflesi lo sa ki zot pe fer.

Agze 2:7

Mon pou boulvers tou bann nasyon; mon pou fer zot anmenn isi zot gran kantite larises; mon pou ranpli sa tanp avek laglwar, SENYER liniver ki deklare.

Agze 2:9

Labote sa nouvo tanp pou depas sa enn avan. Lanmenm la, ki mon pou anmenn lape, SENYER liniver ki deklare.