Agze 1:6 - Labib An Kreol Seselwa

⁶ Zot in senm bokou, me zot in rekolte en pti gin; zot in ganny manze, me zot pa zanmen ase; zot in ganny bwar, me zot touzour swaf; zot sanze, me zot lenz pa zanmen gard lasaler; lapey bann travayer i al dan en portmonnen defonse.

Agze 1:6 ပူးပေါင်းရင်းမြစ်များ

2 Samyel 21:1

Dan letan David, ti annan en lafanmin pandan 3 an. David ti konsilte SENYER ki ti dir li, “Sa i akoz Sail ek son fanmir ki'n vers disan. Zot in touy bann Gabaonit.”

1 Rwa 17:12

I ti reponn, “Par SENYER, ou Bondye ki vivan, mon napa nanryen ki'n kwi; mon annan zis en ponnyen lafarin dan en bol e en pe delwil dan en po. La mon pe ranmas detrwa morso dibwa pour prepar keksoz pour manze, mwan ek mon garson; apre sa, nou ava mor.”

Nehemi 5:2

Serten ti dir: Nou annan bokou zanfan, garson ek fiy e i annan bokou nou. Nou bezwen bokou dible pour nou manze pour viv.

Liv Zob 20:22

Dan son lopilans, i ti enkyet; toudsort maler pou tonm lo li.

Liv Zob 20:28

Zour lakoler Bondye pou leve, en lavalas pou balye tou sa ki i posede.

Psonm 107:34

Akoz mesanste son bann zabitan, en later fertil in vin en laplenn disel.

Proverb 11:24

Sa enn ki donn avek gran ker, i vin ankor pli ris; sa enn ki pa rann sa ki i dwa, i vin pli pov.

Ezai 5:10

Dis arpan plantasyon rezen pou donn apenn 50 lit diven. Avek 100 kilo semans dible, zot pou rekolte zis 10 kilo.

Zeremi 12:13

Mon pep in senm lagrenn dible, me zot in rekolte move zerb. Zot in travay dir, san okenn profi. Zot rekolt pa'n bon akoz gran lakoler SENYER.

Zeremi 14:4

Lapli pa'n tonbe, later i sek. Bann fermye i dezapwente; zot bes latet.

Zeremi 44:18

Me depi ki nou'n aret bril lansan e ofer lofrann diven an loner larenn lesyel, nou napa nanryen e nou pe ganny masakre e nou pe mor lafen.

Oze 4:10

Zot pou manze, me zot pou reste touzour lafen. Zot pou viv dan prostitisyon, me zot popilasyon pa pou ogmante, akoz zot nepli annan respe pour SENYER.

Oze 8:7

Zot in senm divan; zot pou rekolte tanpet. Dible ki ou plante pa pou donn ou lafarin; si i donnen, bann etranze ki pou manze.

Levitik 26:20

Zot ava trimouse, me anven. Zot later pa pou donn okenn rekolt e bann pye dibwa pa pou prodwir okenn fri.

Levitik 26:26

Mon pa pou donn zot dipen. Dis fanm ava kwi zot dipen dan en sel four. Manze pou ganny rasyonnen; zot ava manze, me zot pou ankor lafen.

Agze 1:10

Pour sa rezon, lesyel pa'n donn zot son laroze e later pa'n prodwi son fri.

Agze 1:5

Alor, la sa ki mwan, SENYER liniver, mon demann zot: Reflesi lo zot sityasyon.

Agze 1:7

La sa ki SENYER liniver i deklare: Reflesi lo sa ki zot pe fer.

Agze 1:9

Zot ti espere rekolte bokou, me zot pa'n rekolte bokou. Sa ki zot in anmenn dan lakour, mon'n soufle lo la e fer li anvole. Akoz? SENYER liniver, i demande. Akoz zot, zot touzour okipe avek zot prop lakaz, tandis ki mon tanp in vin zis en ta debri.

Agze 2:16

ki ti arive avek ou? Kan enn ti al pran 20 mezir, i ti trouv zis 10; kan i ti al rod 50 mezir diven dan resipyan 50 mezir, ti annan zis 20 mezir.

Agze 2:17

La sa ki SENYER i deklare: Mon ti pini zot e detri tou sa ki zot ti'n prodwi; tou in fletri e pouri e ganny detri par lipou ek lagrel. Me zot pa'n retourn kot mwan, SENYER ki deklare.

Zakari 5:4

La sa ki SENYER liniver i deklare: Mon'n lans sa malediksyon; i pou antre dan lakaz sa voler e dan lakaz sa enn ki'n fer fo serman lo mon non. I pou reste dan sa lakaz e detri tou; menm son bann poto ek son bann ros.

Zakari 8:10

Akoz avan sa letan, travay zonm pa ti ganny peye, ni travay zannimo akoz lennmi, personn pa ti kapab deplase an sekirite. Annefe, mon ti'n mont tou bann et imen, enn kont lot.

Malasi 2:2

Si zot pa ekout mwan, e zot pa pran ka pour glorifye mon non dan sa ki zot fer, alor mon pou devers malediksyon lo zot, SENYER ki deklare. Mon pou sanz mon benediksyon an malediksyon. Annefe, mon'n fini modi zot, akoz zot pa pe pran mon lord aker.

Deterononm 28:17

Malediksyon pou dan ou pannyen prodwi e dan ou petren.