Agze 1:4 - Labib An Kreol Seselwa

⁴ Eski la i en lepok pour zot reste dan zot lakaz byen dekore? Tandis ki mon lakaz li, in degrengole, i anrin?

Agze 1:4 ပူးပေါင်းရင်းမြစ်များ

2 Samyel 7:2

I ti dir profet Natan, “Get mwan, mon pe viv dan en pale an bwa sed, tandis ki Kof Bondye i anba en latant.”

2 Rwa 5:26

Me i ti dir li, “Pa mon ti avek ou annespri ler en zonm ti desann, sorti lo son kales pour vin zwenn ou? Eski sa i en letan pour aksepte larzan ek lenz, plantasyon zoliv ek plantasyon rezen, mouton ek bef, serviter ek servant?

Psonm 102:14

Ou bann serviter i kontan son bann ros. Zot pran pitye pour son lapousyer.

Psonm 74:7

Zot in kraz tou e met dife dan ou sanktyer; zot in profann landrwa sen kot ou reste.

Eklezyas 3:3

I annan en letan pour touye e en letan pour gerir; en letan pour demolir e letan pour konstrir.

Zeremi 22:14

I ganny modi sa enn ki dir: Mon pou konstri en gran pale pour mwan avek bann gran lasanm dan letaz. I fer pers bann lafnet, e kouver miray avek lanbri dibwa sed, e penn zot an rouz.

Zeremi 26:18

Kan Ezekyas ti lerwa Zida, Mise ki sorti Moreset, ti dir avek pep Zida: La sa ki SENYER liniver i deklare: Siyon pou ganny laboure parey en later; Zerizalenm pou vin en ta ros, e kolin kot tanp in ganny konstri, pour vin en oter kouver avek brousay.

Zeremi 26:6

alor, mon pour detri sa tanp parey mon ti fer kraz sa enn ki Silo e fer Zerizalenm vin en malediksyon pour tou bann nasyon ki lo later.

Zeremi 33:10

La sa ki SENYER i deklare: Dimoun i dir ki sa pei, in vin en dezer kot napa personn, ni zannimo ki viv. Annefe, bann lavil Zida e bann lari Zerizalenm i vid; napa personn ki reste, okenn imen, okenn zannimo. Dan sanmenm sa pei ou pou antann ankor

Zeremi 33:12

La sa ki SENYER i deklare: Dan sa pei ki parey en dezer, e kot napa personn ki viv, ni dimoun ni zannimo, e dan tou son bann lavil, pou annan nouvo landrwa kot bann berze pou kapab vey lo zot mouton ek zot bann kabri.

Zeremi 52:13

I ti met dife dan tanp SENYER, pale lerwa ek tou bann lakaz dan Zerizalenm. I ti bril tou bann gran lakaz.

Lamantasyon 2:7

SENYER in rezet son lotel; i'n abandonn son sanktyer. I'n les lennmi detri miray son bann pale. Tapaz dan tanp ti parey en bann zour lafet.

Lamantasyon 4:1

Gete! Lor nepli klate! Lor pir in melanze! Bann ros sorti dan miray tanp i fannen dan tou kwen semen.

Ezekyel 24:21

Dir pep Izrael: La sa ki Senyer BONDYE i deklare: Mon pou profann mon sanktyer ki fer lafyerte ou lafors, ki donn ou plezir e satisfer dezir ou leker. Ou bann garson ek ou bann fiy ki ou'n kit deryer pou ganny masakre.

Levitik 19:25

Dan senkyenm lannen, zot ava kapab manz fri. Konmsa ki zot rekolt ava ogmante: Mwan menm SENYER zot Bondye.

Mise 3:12

Alor, akoz ou, fose pou ganny fouye dan Siyon, Zerizalenm pou vin en ta debri. Montanny kot tanp i ete pou ganny kouver avek brousay.

Agze 1:3

Alor, parol SENYER ti arive par lentermedyer profet Agze:

Agze 1:5

Alor, la sa ki mwan, SENYER liniver, mon demann zot: Reflesi lo zot sityasyon.

Agze 1:9

Zot ti espere rekolte bokou, me zot pa'n rekolte bokou. Sa ki zot in anmenn dan lakour, mon'n soufle lo la e fer li anvole. Akoz? SENYER liniver, i demande. Akoz zot, zot touzour okipe avek zot prop lakaz, tandis ki mon tanp in vin zis en ta debri.

Matye 6:33

Rod plito Rwayonm Bondye ek son lazistis, e li menm i ava donn zot leres ki zot bezwen.

Filipyen 2:21

Tou lezot i rod zot prop lentere e pa lakoz Zezi-Kri.