Agze 1:14 - Labib An Kreol Seselwa

¹⁴ Alor, SENYER ti fortifye lespri Zorobabel, gouverner provens Zida, garson Sealtiel e avek lespri Zozye, garson Gran-Pret Yosadak, ansanm avek leres lepep. Zot ti vin travay pour rekonstri tanp zot Bondye, SENYER liniver.

Agze 1:14 ပူးပေါင်းရင်းမြစ်များ

1 Kronik 5:26

Alor, Bondye Izrael ti boulvers lespri Poul, lerwa Asiri, lespri Tilgat-Pilneser ki ti deport bann Ribenit, bann Gadit ek demi tribi Manase; i ti anmenn zot Hala, Habor, Hara pre larivyer Gozann, kot zot in reste ziska ozordi.

2 Kronik 36:22

Pandan premye lannen renny Siris, lerwa Lapers, SENYER ti realiz parol ki i ti'n prononse par profet Zeremi. I ti met dan lespri Siris, lerwa Lapers, lide pour fer en proklanmasyon e pibliy sa teks swivan partou dan son rwayonm antye:

Esdras 1:1

Pandan premye lannen renny Siris, lerwa Lapers, SENYER ti realiz parol ki i ti'n prononse par profet Zeremi. I ti met dan lespri Siris, lerwa Lapers, lide pour fer en proklanmasyon e pibliy sa teks swivan partou dan son rwayonm antye:

Esdras 1:5

Alor, bann sef fanmir dan tribi Zida ek Benzamen, bann pret ek bann levit, tou bann ki Bondye ti'n enspir zot avek sa dezir, ti prepar zot pour mont Zerizalenm e rekonstri tanp SENYER.

Esdras 5:2

Alor, Zorobabel, garson Sealtiel ek Zozye, garson Yosadak, ti konmans rekonstri tanp Bondye dan Zerizalenm. Bann profet Bondye ti la avek zot, pour ed zot.

Esdras 5:8

Nou pe fer ou konnen ki nou ti al dan provens Zida kot tanp gran Bondye. Sa tanp pe ganny rekonstri avek bann pyer taye, e avek dibwa par anndan miray. Travay pe ganny fer avek swen. I pe progres rapidman dan zot lanmen.

Nehemi 4:6

Alor, nou ti rekonstri miray, e nou ti fer li ariv ziska lanmwatye son oter. Lepep ti'n met tou son leker dan sa travay.

Psonm 110:3

Ou pep i volonter zour ou al lager. Bann zennzan pou vin ver ou lo montanny sen.

Agze 1:1

Premye zour, sizyenm mwan, dan dezyenm lannen ki Dariis ti lerwa Lapers, SENYER liniver ti adres profet Agze en mesaz pour gouverner rezyon Zida, Zorobabel, garson Sealtiel, e pour Gran-Pret Zozye, garson Yosadak.

Agze 1:12

Alor Zorobabel, garson Sealtiel, ek Gran-Pret Zozye, garson Yosadak, ansanm avek leres pep ki'n retournen sorti legzil, ti obei sa ki SENYER zot Bondye ti demann zot fer, par lentermedyer profet Agze. Lepep ti annan en gran respe pour SENYER.

Agze 1:15

Sa ti ariv vennkatriyenm zour, sizyenm mwan, dan dezyenm lannen ki Dariis ti lerwa Lapers.

Agze 2:2

Koz avek Zorobabel garson Sealtiel, gouverner rezyon Zida, avek Gran-Pret Zozye, garson Yosadak, e avek leres lepep ki'n retournen e dir zot:

Agze 2:21

Koz avek Zorobabel, gouverner provens Zida, garson Sealtiel. Dir li: Mwan SENYER liniver, mon pou fer tranble lesyel ek later.

1 Korentyen 15:58

Alor, mon bann zanmi! Reste ferm e solid. Montre touzour plis lentere pour travay Senyer, akoz zot konnen ki avek Senyer, zot travay pa initil.

2 Korentyen 8:16

Nou remersye Bondye ki'n met dan leker Tit sa menm motivasyon anver zot, parey mwan.

Ebre 13:21

Mon demande ki i rann zot kapab pour pratik tou sa ki byen. Konmsa, zot ava akonpli son lavolonte. Ki i realiz dan nou tou, sa ki fer li plezir, par Zezi-Kri ki merit laglwar pour touzour. Amenn.